ASHINDA KWA KISHINDO KWA KURA 1872 CHRISTOPHER KAYOMBO

Tarehe ya kuwekwa: September 19th, 2023

Msimamizi Msaidizi wa uchaguzi ngazi ya kata Bakari Kawina ametangaza matokeo ya uchaguzi mdogo wa udiwani kata ya Mfaranyaki ambao ulikuwa na wagombea  6  kutoka  vyama mbalimbali vya siasa ikiwemo na AAFP, ACT WAZALENDO, CCM, CUF, NCCR MAGEUZI, na UDP.

 Uchaguzi huo umekuja  mara baada ya kutokea kwa kifo cha aliyekuwa Diwani wa kata ya Mfaranyaki marehemu Ajira Kalinga ambaye alifariki tarehe 09 April 2023.

Akitangaza Matokeo hayo Msimamizi msaidizi ngazi ya kata alisema  "jumla ya waliojiandikisha kwenye daftari la wapiga kura  kata ya Mfaranyaki ni  6603     kati ya hao waliopiga kura ni  1985 ,  kura zilizokataliwa  ni  17 ,   kura  halali   ni  1968, hivyo Mgombea Christopher Kayombo ametangazwa kuwa mshindi wa Udiwani katika kata ya Mfaranyaki ."

 Ushindi huo umetangazwa leo tarehe 19 Septemba 2023 katika ukumbi wa ofisi ya kata ya Mfaranyaki kwa kushirikisha wahusika wanaoruhusiwa kuwepo wakati wa kujumlisha kura.

Aidha,  uchaguzi huo ulikuwa na wagombea 6 ambao ni  Mgombea Mohamed Sandali  Sony kutoka chama cha AAFP amepata kura 06 , Mohamed Selemani  Haule  - ACT WAZALENDO  amepata kura 76 ,  Christopher  Fabian Kayombo -  CCM amepata kura  1872,  Ahamad Alon Mambo  - CUF amepata kura 10 ,  Pius Luoga  Samola  - NCCR MAGEUZI amepata  kura   03,  pamoja na  mgombea  Nasibu Selemani Haule – UDP amepata kura 01.

IMEANDALIWA NA;

AMINA PILLY;

KITENGO CHA MAWASILIANO SERIKALINI.