Mikopo ya Asilimia 10% inavyonufaisha Vikundi vya Wanawake, Vijana, na Watu wenye Walemavu

Tarehe ya kuwekwa: November 12th, 2022

HALMASHAURI ya Manispaa ya Songea kupitia Idara ya Maendeleo ya jamii inaendelea kuratibu na kusimamia  shughuli mbalimbali za maendeleo ikiwemo na utoaji wa mikopo ya asilimia 10%  kwa wanawake 4%, vijana 4% na walemavu  2%  kwa mwaka 2021/2022 Tshs milioni 465 zilitolewa kwa lengo la uwekezaji na kiuchumi kwa vikundi.

Ili kufikia lengo lililokusudiiwa Halmashauri ya Manispaa ya Songea imetenga maeneo rasmi ya uwekezaji wa viwanda  kwa vikundi 11  vya ushonaji, kiwanda cha utengenezaji wa batiki, kiwanda cha uchakataji maziwa, kiwanda cha Welding na Aluminium, kiwanda cha uchakataji wa mazao ya nyuki pamoja na kiwanda cha uchakataji wa mafuta ya alizeti.

 Utekelezaji wa ujenzi wa viwanda vidogo kata ya Lilambo  ulishakamilika sambamba na ununuzi wa vitendea kazi kwa  kila kiwanda tajwa na hatimaye uwekezaji wa  vikundi  kiuchumi umeanza kufanya kazi katika nyanja  mbalimbali.

Mhandisi Fredrick Mbawala amesema amepokea mashine ya kukamua mafuta ya alizeti na karanga iliyonunuliwa kwa gharama ya shilingi   Mil.  36,300,000 ambayo ameanza kuifunga   kwa ajili ya kikundi cha Tumaini ambapo alibainisha kuwa  “ Mashine hiyo ni bora na ya kisasa  kwasababu inauwezo wa kukamua, kuchemsha, na kuchuja mafuta ya alizeti Tan  6.5 kwa siku ambapo mara baada ya kukamilisha kufunga mashine  ukamuaji wa mafuta utaanza hivi karibuni. “Alibainisha”

Bi Halima Mango ni miongoni mwa wanakikundi cha Tumaini  alianza kwa kutoa pongezi kwa Serikali kwa  kuwakopesha kiasi cha  fedha mil. 70  ambazo zimetumika kujenga   jengo na kununua mashine  ambayo itatumika kwa ajili ya kukamua mafuta ya alizeti na karanga.          “ alipongeza”  

AMINA PILLY,

KITENGO CHA MAWASILIANO SERIKALINI.