BARAZA LA MADIWANI LATOA AGIZO UTOAJI WA CHAKULA SHULENI.

Tarehe ya kuwekwa: May 20th, 2023

Mstahiki Meya Manispaa ya Songea Michael Mbano amewataka Wataalamu wote kuhakikisha wanatoa ushirikiano katika kutekeleza   miradi ya maendeleo  na  kuikamilisha  kwa wakati  kabla ya tarehe 30 juni 2023.

Amesema  kila kiongozi anatakiwa kuwajibika katika eneo lake kwa  kuishirikisha jamii husika ili  kutatua changamoto za wananchi ikiwemo na miundombinu ya shule, Afya na Barabara kwa lengo la kuunga mkono jitihada za Serikali ya awamu ya  sita.

Alibainisha kuwa, katika kipindi cha  robo ya kwanza Manispaa ya Songea ilipokea zaidi ya Bil. 1.5  pia katika kipindi cha robo ya pili na ya tatu Manispaa  ya Songea imepokea Bil. 1.5 kwa ajili ya utekelezaji wa miradi mbalimbali ya maendeleo. Alipongeza”.

Mhe. Mbano amewataka Madiwani wote kutembelea kata ya Matogoro kujifunza namna walivyoweza kufanikisha kutatua changamoto za madawati kwa shule za msingi na Sekondari kwa lengo la kuondoa changamoto mbalimbali za wananchi “. Alisisitiza.”

Ametoa wito kwa wataalamu kuhakikisha wanaongeza bidii ya ukusanyaji wa mapato ya ndani, utoaji wa chakula kwa wananfunzi shuleni, pamoja na usafi wa mazingira.” Mhe. Mbano alibainisha.”

Kwa upande wake Mwenyekiti wa CCM Wilaya  ya Songea Mjini Komredi Mwinyi Msolomi amewataka Wataalamu kusimamia usafi wamazingira hususani katika maeneo ya Soko, na makazi ya watu.

Naye katibu wa CCM Wilaya ya Songea Mjini  James Mgego ametoa wito kwa watumishi na Madiwani kuhakikisha wanasimamia miradi ya maendeleo na kuongeza juhudi za ukusanyaji wa mapato ya ndani ili kufikia lengo lililokusudiwa  na Serikali.

IMEANDALIWA;

AMINA PILLY

KITENGO CHA MAWASILIANO SERIKALINI.