BENKI ya Dunia yatoa bilioni 27 kuchangia miradi ya maendeleo Songea

Tarehe ya kuwekwa: May 29th, 2018

BENKI ya Dunia imetoa zaidi ya sh.bilioni 27 katika Halmashauri ya Manispaa ya Songea Mkoa wa Ruvuma  kusaidia miradi mbalimbali ya maendeleo  ambayo inachangia kukuza uchumi wa  manispaa hiyo.Mkurugenzi wa Manispaa hiyo Tina Sekambo  Akizungumza  ofisini kwake mjini Songea jopo la wanahabari walioongozwa na Kitengo cha mawasiliano cha TAMISEMI  ametaja miradi ambayo imefadhiliwa na Benki ya Dunia  kuwa ni ukarabati wa barabara za lami nzito zenye urefu wa kilometa 10.3 zilizogharimu zaidi ya sh.bilioni 10 na ujenzi wa Stendi mpya ya kisasa katika eneo la Kata ya Tanga  ambao awamu ya kwanza inagharimu shilingi bilioni sita. 

Kwa mujibu wa Mkurugenzi huyo miradi mingine ni ujenzi wa machinjio ya kisasa katika eneo la Kata ya Tanga  ambao umegharimu shilingi bilioni 3.2,ujenzi wa bustani ya kisasa ya Manispaa ya Songea uliogharimu zaidi ya sh.milioni 399  na ukarabati wa Stendi ndogo katika eneo la Kata ya Mfaranyaki ambao umegharimu zaidi ya sh.bilioni tatu. Amesema miradi yote ikikamilika itachochea uchumi wa manispaa hiyo na kuongeza ajira na mapato ya ndani ya Halmashauri ya Manispaa ya Songea. 

Hata hivyo ili miradi yote iwe endelevu  ametoa rai kwa wananchi wa Manispaa hiyo kuilinda miradi hiyo  na kuwa ficus wote ambao watafanya hujuma ya aina yoyote  ikiwemo kuharibu miundombinu ya miradi hiyo ambayo imegharimu mabilioni ya fedha. Manispaa ya Songea ni miongoni mwa Halmashauri 18 nchini za miji na manispaa zinazotekeleza  mpango wa  kukuza uchumi wa Halmashauri hizo kupitia Benki ya Dunia. 

Imetolewa na Albano Midelo 

Afisa Habari wa manispaa ya Songea 

Mei 29,2018