DC Songea azindua jaribio la awali la mashine mpya ya kuchinjia nyama, 'Machinjio ya Kisasa Tanga.'

Tarehe ya kuwekwa: January 23rd, 2021

Mkuu wa Wilaya ya Songea Pololet Kamando Mgema ametembelea mradi wa Machinjio ya kisasa iliyopo kata ya Tanga Manispaa ya Songea na kuzindua jaribio la awali la  matumizi ya  mashine mpya na  ya kisasa ya kuchinjia nyama  liililofanyika leo tarehe 22 Januari 2021.

Pololet alisema machinjio hii kwa ukubwa wake imegharimu billion 5.7 ambao endapo kama wateja watapatikana inakadiliwa  kuchinjwa ng’ombe kati ya 100 hadi 200 kwa siku moja pia inasaidia kuonyesha uzito wa ng’ombe aliyechinjwa, muda aliochinjwa, ubora wa nyama yenyewe, pamoja risiti/ billi ya iliyo  lipwa.

Amewataka wataalamu hao kutafuta  masoko nje ya Mkoa/ Nchi ili kutangaza biashara  kwa  kuwapata wawekezaji  wengi Zaidi ili machinjio iweze kufanya kazi kwa ufanisi  na kutimiza malengo tarajiwa yaliyowekwa na serikali.

Ametoa rai kwa wachinjaji hao  kufanya kazi kwa ufanisi ikiwemo na kupata  mafunzo ya kuwajengea uwezo wa kiutendaji ili waweze kufanikisha kuchinja ng’ombe  mmoja kwa kwa haraka na kwa  kutumia dakika 10 hadi 15 na   hatimaye waweze kuhudumia sehemu kubwa Zaidi.

Alisema baada ya kukamilika kwa asilimia 100% za maandalizi  ya maeneo machinjio hayo itatakiwa kufunga machinjio ya Msamala na maeneo mengine yote yanayochinja nyama kwa lengo la kuhakikisha nyama zote zinazoliwa zinakuwa safi, salama kwa walaji.

Akizitaja faida zitakazopatikana baada ya kufunguliwa kwa machinjio hiyo ni pamoja na ongezeko la ajira, kuongezeka kwa mapato, pamoja na upatikanaji wa nyama bora.

Machinjio hiyo inatarajiwa kuanza kazi hivi karibuni mara  baada ya kukamilika kwa maandalizi mbalimbali ya kiutendaji.

 IMETAYARISHWA NA;

AMINA PILLY;

AFISA HABARI MANISPAA YA SONGEA.

22.01.2021