DC SONGEA MTAA KWA MTAA KUKAGUA MIRADI.

Tarehe ya kuwekwa: November 5th, 2021

Na,

AMINA PILLY,

AFISA HABARI MANISPAA.

05.11.2021

Mkuu wa Wilaya ya Songea Pololet Kamando Mgema amefanya ziara ya kukagua miradi ya maendeleo kwa ustawi wa Taifa na mapambano dhidi ya UVIKO-19 inayoendelea kutekelezwa katika maeneo mbalimbali ndani ya Manispaa ya Songea hapo jana tarehe 4 Novemba 2021.

Mgema amefanya ziara hiyo kwa lengo la kuleta hamasa ya utekelezaji wa miradi hiyo ndani ya muda maalumu uliopangwa na Serikali ambapo hadi kufikia tarehe 15 Disemba 2021 miradi yote inatakiwa kukamilika.

Miongoni mwa miradi aliyotembelea ni pamoja na ujenzi wa darasa 1 katika shule ya sekondari Mbulani, ujenzi wa madarasa 2 shule ya sekondari Luwawasi, ujenzi wa darasa 1 shule ya sekondari London, ujenzi wa madarasa 2 shule ya sekondari Mletele, ujenzi wa madarasa 2 shule ya sekondari Mashujaa, ujenzi wa ukuta katika shule ya sekondari Mateka, ujenzi wa madarasa 2 shule ya sekondari Ruvuma, ujenzi wa madarasa 2 shule ya sekondari Chandarua pamoja na ujenzi wa bwalo la wanafunzi shule ya sekondari Emmanuel Nchimbi.

Mwisho.