ELIMU YA UCHAGUZI WA SERIKALI ZA MITAA

Tarehe ya kuwekwa: May 25th, 2024

AFISA UCHAGUZI Manispaa ya Songea Buruhani Mapunda  amewataka  wananchi kujitokeza kwa wingi kushiriki  mchakato  wa uchaguzi wa Serikali  za Mitaa  na  maelekezo yote ya Uchaguzi yatakayotolewa na Mamlaka ya Uchaguzi ambayo ni Ofisi ya Rais TAMISEMI.

Elimu hiyo inaendelea kutolewa kwa nyakati tofauti kupitia mikutano ya hadhara ya wananchi  na kongamano kwa wanafunzi wa shule za Sekondari kwa lengo la kuhamasisha wanafunzi na jamii  kuanzia miaka 18  kuishiriki  kujiandikisha, kuchagua na kuchaguliwa.

Alisema Mwananchi anawajibu wa kushiriki kwenye mikutano ya kampeni kwa lengo la kufahamu uwezo wa kiongozi anayefaa, kugombea katika nafasi mbalimbali za uongozi, kuhamasisha jamii kujiandikisha na kuchagua kiongozi, kushirikiana na viongozi baada ya uchaguzi katika kuleta maendeleo, pamoja na kupinga Rushwa kwa lengo kuihamasisha jamii juu ya uwepo wa uchaguzi wa Serikali za Mitaa unaotarajia kufanyika mwaka huu  2024.

KAULI MBIU ya mwaka 2024 ni “Uhifadhi wa Mazingira na Uchaguzi  wa Serikali za Mitaa”   

AMINA PILLY

KITENGO CHA MAWASILIANO SERIKALINI.