HALI YA LISHE JULAI HADI SEPTEMBA 2024

Tarehe ya kuwekwa: November 1st, 2024

Mheshimiwa Kapenjama Ndile, Mkuu wa Wilaya ya Songea , amepongeza Maafisa Watendaji wa kata mbalimbali kwa kazi yao nzuri katika utekelezaji wa afua za lishe, akisisitiza umuhimu wa lishe bora kwa afya ya jamii.

Pia, ameagiza kuandikwa kwa barua za pongezi kwa Maafisa Watendaji, huku akiwataka kuwasilisha  ripoti ya  ulinganifu  ya tathmini ya hali ya lishe ili kubaini changamoto na mafanikio.

Kwa upande wake Afisa Lishe Manispaa ya Songea Frolentine Kissaka, amesema kuwa  miongoni mwa watoto 40,283 waliochunguzwa, asilimia 99.69 hawana utapiamlo, lakini watoto 19 waligundulika kuwa na utapiamlo mkali na kupatiwa rufaa kwenda Hospitali ya Rufaa ya Mkoa.

Hata hivyo  hali hii inaonyesha hatua nzuri za Serikali katika kuhakikisha watoto na akina mama wanapata lishe bora, huku ikionyesha pia haja ya kuendelea na juhudi zaidi ili kuboresha hali ya lishe katika jamii.

Kikao hicho kimefanyika katika ukumbi wa Manispaa ya Songea 01 Novemba 2024 ambacho  kilihudhuriwa na Maafisa watendaji wa Kata, Viongozi ngazi ya Wilaya na Maafisa Lishe kilichofanyika kwa lengo la kufanya ufuatiliaji wa Mkataba wa Lishe ngazi ya Kata.

NA;

AMINA PILLY;

KITENGO CHA MAWASILIANO SERIKALINI.