HALI ya usafi wa mazingira manispaa ya Songea inaridhisha

Tarehe ya kuwekwa: October 29th, 2018

HALI ya usafi katika Mitaa  yote 95 ya Manispaa ya Songea mkoani Ruvuma, inaridhisha kwa sababu ya zoezi la usafi wa mazingira kuwa endelevu kwa kufanya usafi wa mazingira kila jumamosi ya mwisho wa mwezi.

Mkuu wa Idara ya Usafi wa Mazingira katika Halmashauri hiyo Philipo Beno anasema,hali ya ujenzi wa vyoo katika mitaa 95  imefikia asilimia 98.02 kwa vyoo vya kawaida na asilimia 83.6 vyoo bora, ambapo Serikali ilitoa fedha kiasi cha Shilingi milioni 15,000,000 kutekeleza shughuli hizo katika mwaka wa fedha 2017/2018.

• ”Manispaa imepokea dawa za kuulia Wadudu wa Mbu Larvicide kutoka kibaha, jumla ya lita 1000 pia tumegawa vyandarua 35,874 kwa mwaka 2016/2017 na  vyandarua 39,062 viligawiwa kwa mwaka 2017/2018 kipaumbele kiliwekwa kwa wazee na wanafunzi ili kudhibiti ugonjwa wa Malaria‘‘,anasema Beno.
•  Hata hivyo anasema dawa hizo zilikuwa za aina mbili, Biolavircides-Bactive (BIT) zenye muongozo mililita mbili mpaka tano kwa mita ya mraba moja, ambazo zilikuwa madumu 25 sawa na lt 500 na dawa aina nyingine Biolalvircides-Griselesf (BS) yenye muongozo wa mililita 5 mpaka 10 kwa mita moja ya mraba, ambazo zilikuwa madumu 25 sawa na lt 500.
• Amesema jumla ya mazalio ya wazi (madimbwi) yaliopuliziwa ni mita za mraba 32,000 kwa kutumia Biolavircides-Bactive (BIT) na mazalio yaliofunikwa yaliopuliziwa ni  50,000 mita za mraba sawa nakaro 250   kwa kutumia Biolalvircides-Griselesf (BS).