IFAHAMU miradi mikubwa ya maendeleo inayotekelezwa Manispaa ya Songea

Tarehe ya kuwekwa: September 17th, 2018

SERIKALI imetoa fedha kupitia programu ya uimarishaji na uendelezaji wa miji  (ULGSP)  kwa ajili ya kutekeleza miradi ya miundombinu kama ifuatavyo

Ujenzi wa machinjio ya kisasa: Ujenzi wa machinjio hii unafanyika katika Mtaa wa Tanga, kata ya Tanga, mradi huu ulianza mwezi Julai, 2017 na unategemea kukamilika mwezi Juni, 2018. Gharama ya mradi huu ni Tshs. 3,216,237,382.40. Kukamilika kwa mradi huu utaboresha uchinjaji wa wa kisasa hivyo kuongeza ubora wa bidhaa za nyama. Mradi huu unajengwa chini ya programu ya uboreshaji wa miji na Manispaa (ULGSP).

Ujenzi wa Kituo Kikuu cha Mabasi cha Mkoa.ujenzi wa kituo kikuu cha mabasi unafanyika katika Mtaa wa Tanga, kata ya Tanga, mradi huu ulianza mwezi machi 2018 na unategemea kukamilika mwezi septemba, 2019. Gharama ya mradi huu ni Tshs. 6,189,340,930.00 Kukamilika kwa mradi huu utaboresha  sekta ya usafirishaji na kupunguza msongamano kati kati ya mji hivyo kuruhusu kituo cha mabasi kinachotumika sasa kutumika kwa mabasi yaendayo wilayani na maeneo yanayoizunguka Manispaa ya Songea na hivyo kuongeza mapato ya ndani. Mradi huu unajengwa chini ya programu ya uboreshaji wa miji na Manispaa (ULGSP). Mradi huu unajengwa chini ya programu ya uboreshaji wa miji na Manispaa (ULGSP).

Ujenzi wa barabara km 10.3 kiwango cha lami kwa barabara za mitaa. Ujenzi wa barabara kiwango cha lami km 10.3 katika barabara za kati kati ya Mji umeanza mwezi Machi, 2018 na unategemea kukamilika mwezi Septemba, 2019. Mkandarasi aliyefuzu kujenga barabara hizo ni SIETCO. Hadi kukamilika mradi huo utagharimu jumla ya Tshs. 10,960,078,230.00 Kukamilika kwa mardi huu utaboresha mwonekano wa mji.  Mradi huu unajengwa chini ya programu ya uboreshaji wa miji na manispaa (ULGSP).

Imeandaliwa na Albano Midelo

Afisa Habari Manispaa ya Songea

Septemba 17,2018