JESHI la polisi mkoani Ruvuma lamkamata Mchungaji Feki,latoa tahadhari kwa wananchi

Tarehe ya kuwekwa: August 14th, 2019

WATU wanaodaiwa kuwa ni  Mganga na Mchungaji feki wamekamatwa na Jeshi la polisi   Mkoani Ruvuma wakijaribu kuwatapeli wananchi kwa lengo la kujipatia fedha .

Akizungumza na waandishi  wa habari ofisini  kwake Kamanda wa Polisi mkoani Ruvuma ACP Simon Maigwa, amemtaja mtuhumiwa Deo Mapunda miaka 32 kabila la mmatengo ambaye  amejifanya mganga  wa kienyeji  na kudai kuwa anaweza kufufua watu waliokufa akishirikiana na wenzake wawili wakiwa na jeneza ambalo ndani yake kulikuwa na mtuhumiwa Abdul.

Maigwa alifafanua kuwa  mtuhumiwa huyo aliwadanganya wanakijiji kuwa marehemu huyo angefufuka baada ya masaa sita baada ya kitendo  wananchi walieanda nyuma ya nyumba hiyo na kugundua kuwa mtu huyo ametoweka katika mazingira ya kutatanisha ndipo wananchi waligundua kuwa wanataka kutapeliwa .

“wananchi hao waliamua kumkamata na kuchoma moto jeneza hilo kisha kumfikisha mtuhumiwa kituo cha polisi Songea, katika mahojiano hayo mganga huyo alikiri kuwa yeye sio mganga anayeweza kufufua mtu ila ni njia aliyoweza kuitumia kwa ajili ya udanganyifu”.amesema Maigwa.

Kamanda ameendelea kuelezea kuwa katika nyumba ya wageni ya maeneo ya Bombambili Wilaya ya Songea mkoani Ruvuma  ndipo alipokamatwa mtuhumiwa Adinikas Kyuvu miaka 45 raia wa Kenya aliyejifanya mchungaji kwa lengo la kuwatapeli wananchi.

Amesema mtuhumiwa huyo alikutwa  akiwa na vifaa ambavyo havihusiani na uchungaji kama vipande vya chupa, shanga, kwato za Ng’ombe, chupa tano za ubani na kifuu cha nazi  vifaa hivyo vinatumika kutapeli watu wakati wa maombezi kuwaaminisha anatenda miujiza  na vipande vya chupa vinatoka kinywani mwa binadamu.

Jeshi la polisi mkoani Ruvuma linatoa rai kwa wananchi kuchukua tahadhari hasa katika kipindi hiki cha mavuno na kutoa taarifa kwa jeshi la polisi  ili kuwakamata watuhumiwa hao na kuwafikisha katika vyombo vya dola..

Imeandaliwa na

Jamila ismail

Kitengo cha TEHAMA Manispaa ya Songea

Agosti 13,2019