KAMATI YA FEDHA NA UONGOZI YATEMBELEA NA KUKAGUA MIRADI YA MAENDELEO

Tarehe ya kuwekwa: May 9th, 2024

Kamati ya fedha na Uongozi ikiongozwa na Naibu Meya Manispaa ya Songea Jeremiah Mlembe wamefanya ziara ya kutembelea na kukagua miradi 6  ya maendeleo ambayo inaendelea kujengwa katika kata Ndilima Litembo, Mletele, Tanga, Mjini, Lizaboni na Lilambo iliyofanyika tarehe 09  Mei 2024.

Miongoni mwa miradi iliyotembelewa ni pamoja na ujenzi wa madarasa 2 na matundu 4 ya vyoo shule ya msingi Ndilima litembo inayojengwa kwa kiasi cha fedha Mil. 54,800,000 fedha kutoka  EP4R, Ujenzi wa madarasa 7 sekondari ya Mdandamo fedha kutoka Serikali kuu kwa kiasi cha shilingi  Mil. 170,500,000 na Ukamilishaji wa Hosptali ya Manispaa ya Songea inayojengwa kwa kiasi cha Mil. 800,000,000.

Miradi mingine ni pamoja na ujenzi wa nyumba ya Mkurugenzi inayojengwa kwa gharama ya Mil. 180,000,000, ujenzi wa madarasa10 na matundu 10 ya vyoo shule ya Sekondari Londoni kwa kiasi cha Mil. 259,500,000, Ujenzi wa vyumba vya madarasa 8  shule ya Sekondari Sili kwa kiasi cha 192,000,000 fedha kutoka Serikali kuu.

Ziara hiyo imefanyika kwa lengo la kukagua miradi na kutathimini utendaji wa kazi wa miradi  hiyo pamoja na kutatua changamoto mbalimbali  zinazoweza kukwamisha utendaji wa kazi wa miradi hiyo.

Aidha, pamoja na pongezi zilizotolewa na kamati kupitia hatua nzuri ya ujenzi wa miradi hiyo umetolewa wito kwa wataalamu wahakikishe wanasimamia kwa umakini miradi ya maendeleo ili iweze kukamilika kwa wakati.

IMEANDALIWA NA 

AMINA PILLLY

KITENGO CHA MAWASILIANO SERIKALINI.