KAMPUNI ya SIETICO ilivyojipanga kukamilisha lami kwa wakati

Tarehe ya kuwekwa: May 31st, 2018

Kampuni ya kimataifa ya serikali ya China inayoitwa SIETICO  inaendelea na kazi ya ukarabati wa barabara za Manispaa ya Songea Mkoa wa Ruvuma  kwa kiwango cha lami nzito. Kampuni hiyo imeingia mkataba wa miezi 18 kukarabati barabara zenye urefu wa kilometa 10.3 zilizogharimu zaidi ya sh.bilioni 10.96.Mkataba huo unaanzia Machi 25,2018 na unatarajia kukamilika Septemba 30,2019.Uchunguzi ambao umefanywa katika moja ya Barabara àmbazo zinakarabatiwa ya FFU  hadi Matogoro  umebaini kuwa Kampuni ya SIETICO  inaendelea na kazi ambayo wamesema wanatarajia kukamilisha kabla ya mwisho wa mkataba. Kukamilika kwa barabara hizo kwa kiwango cha lami itakuwa ni moja ya kichocheo cha maendeleo kwa watu wa manispaa ya Songea.