KILIMO CHA MAHINDI YA NJANO KUFUNGUA FURSA ZA WAWEKEZAJI RUVUMA.

Tarehe ya kuwekwa: August 30th, 2022

Na,

Amina Pilly.

Mstahiki Meya manispaa ya songea, Mhe. Michael Mbano ametoa wito kwa  wawekezaji wote kuja kujionea fursa mbalimbali za uwekezaji hususani katika sekta ya kilimo cha mahindi ya njano mkoani Ruvuma.

Wito huo umetolewa jana tarehe  29 agosti 2022 katika mkutano wa ufunguzi wa fursa za uwekezaji  uliofanyika katika ukumbi wa halmashauri ya Manispaa ya Songea kwa dhumuni la kustawisha uwekezaji katika sekta ya kilimo mkoani Ruvuma ambao  ulihusisha wadau wa kilimo, wananchi, wataalamu mbalimbali, wenyeviti kutoka kila Halmashauri pamoja na wakurugenzi.

Mhe. Mbano amewataka wananchi na wadau mbalimbali kutoa ushirikiano kwa wawekezaji ili iwe chachu ya maendeleo na kuwezesha kufungua fursa za kiuchumi na ajira mkoani Ruvuma.

Mkurugenzi wa manispaa ya songea, Dkt. Frederick Sagamiko alisema kuwa  viongozi, wadau pamoja na wananchi kuendelea  kutumia fursa zilizopo za uwekezaji  ili kuinua uchumi wa mkoa na taifa kwa ujumla.

Aidha, Mkurugenzi wa Miradi ya Sera na  UNDP Amon Manyama amewataka wadau wa kilimo kutumia njia bora na za kisasa ambazo  zitawezesha kuongeza ufanisi katika kilimo cha mahindi ya njano ili kuongeza uzalishaji wa mazao bora, ikiwemo na kilimo cha umwagiliaji. Alibainisha

Mwekezaji wa kampuni ya “SMART FOR IMPORT & EXPORT” Mr. Bassem amesema wamekuja Tanzania kwaajili ya kuwekeza katika ununuzi wa mahindi ya njano  kuanzia tani milioni moja 1,000,000 kwa mwaka kwa lengo la kupeleka nchini Misri kwa shughuli mbalimbali.

Mr. Bassem ameongeza katika kutekeleza  kwa ufanisi, Kampuni ya Import and Eaxport watafanya utaratibu wa kuleta mtaalamu wa kilimo kwa ajili ya kufanya tafiti mbalimbali ili kuhakikisha wakulima wanalima kilimo bora na chenye tija.

Hata hivyo wadau wa kilimo wakiongea kwa nyakati tofauti  walisema “wako tayari kutoa ushirikiano wa dhati kwa kampuni hiyo ya uwekezaji kwa kusudi la kuinua uchumi wa wananchi na taifa kwa ujumla.

MWISHO.