WILAYA ya Nyasa ni kitovu cha utalii Kanda ya Kusini

Tarehe ya kuwekwa: December 27th, 2018

TAMASHA la kitalii la wilaya ya Nyasa lenye lengo la kuvitangaza vivutio vya utalii na uwekezaji vilivyopo katika wilaya ya Nyasa linatarajia kuanza Januarii Mosi 2019 na kilele chake Januari 6,2019.

 Tukiwa tunaelekea katika tamasha hilo hebu tuangalia vivutio adimu vya utalii ambavyo vinaifanya wilaya ya Nyasa kuwa kitovu cha utalii katika ukanda wa kusini.Ziwa Nyasa limebarikiwa kuwa na visiwa vya kuvutia ambavyo vina utajiri wa miti,wanyamapori,wadudu ,samaki na viumbe wengine.Miongoni mwa visiwa hivyo ni visiwa  vya Mbambabay(Zambia),Lundo na Puulu ambavyo  vinatarajia kufungua milango ya utalii baada ya visiwa hivyo kubainika kuwa na vivutio adimu vya utalii.Kisiwa cha Mbambabay  kipo meta 300 toka ufukweni mwa ziwa Nyasa,kisiwa hicho kina utajiri wa aina mbalimbali za samaki wa mapambo ambao ni kivutio cha watalii.Kisiwa Mbambabay kina hekta 27 , kisiwa cha Lundo kina hekta 20 kipo mbali kidogo toka mjini Mbambabay  kama unavyokiona nyuma yangu na kisiwa cha Puulu  kipo Liuli.