Jamhuri ya Muungano wa Tanzania Ofisi ya Rais Tawala za Mikoa na Serikali za Mitaa Halmashauri ya Manispaa ya Songea

MACHINJIO ya kisasa ambayo itafungua fursa mpya kwa wakazi wa Manispaa ya Songea

Tarehe ya kuwekwa: March 27th, 2019

MRADI wa machinjio ya kisasa unaofadhiliwa na Benki ya Dunia kwa gharama ya shilingi zaidi ya bilioni tatu upo mbioni kukamilika na kukabidhiwa katika Halmashauri ya Manispaa ya Songea.

Mradi huo unaojengwa katika kata ya Tanga Manispaa ya Songea hadi sasa unakaribia asilimia 100 ya ujenzi ambapo Mkandarasi wa ujenzi wa mradi huo Kampuni ya Giraffe ameahidi kukamilisha mradi huo wakati wowote kuanzia sasa.

Kamati ya Fedha na Uongozi ya Baraza la Madiwani la Manispaa ya Songea,tayari imekagua mradi na kumuagiza Mkandarasi kukamilisha kazi hiyo haraka.