MAKABIDHIANO YA OFISI YA MKURUGENZI

Tarehe ya kuwekwa: March 27th, 2024

Mstahiki Meya  Manispaa ya Songea Mheshimiwa Michael Mbano ameshuhudia makabidhiano ya ofisi ya Mkurugenzi wa Manispaa ya Songea ambayo yamefanyika leo tarehe 27 Machi 2024 kati ya Dkt. Frederick Sagamiko Mkurugenzi anayehama na Adv. Bshir Muhoja Mkurugenzi anayehamia.

Mhe. Mbano alianza kwa kumpongeza Dkt. Frederick Sagamiko kwa kuaminiwa  na kuteuliwa tena ambaye amehamia Halmashauri ya Jiji la Tanga kwenda kuwa Mkurugenzi wa Jiji hilo.

Aidha, almpongeza Wakili. Bashir Muhoja ambaye amehamia Manispaa ya Songea na kuwa Mkurugenzi Manispaa ya Songea ambapo alimpongeza na kumkaribisha katika Halmashauri hiyo.

Alisema “kwa muda wa miaka miwili na miezi sita Dkt. Frederick Sagamiko  amefanya kazi kwa ushirikiano mkubwa kutoka kwa madiwani, watumishi na wananchi ambapo  leo yanafanyika makabidhiano haya ili kazi za Serikali ziweze kuendelea.”  Alipongeza”

Kwa upande wake Dkt. Frederick Sagamiko aliyekuwa Mkurugenzi Manispaa ya Songea ametoa shukrani kwa Serikali,  wananchi, Madiwani, na wataalamu wote Manispaa ya Songea kwa ushirikiano walioutoa wakati wa uongozi wake ambapo aliweza kutekeleza vizuri shughuli za Serikali na kufikia malengo yaliyowekwa. “Aliwashukuru na kuwaaga.”

Aidha kwa upande wake Wakili. Bshir Muhoja amemshukuru Mhe. Rais Dkt Samia Suluhu Hassan kwa kumteua  kuja kuwatumikia wananchi wa Manispaa ya Songea pia amewataka watumishi kutii wajibu na hatapendelea mtumishi ambaye hatii wajibu wake. “alisisitiza”.

Makabidhiano hayo yamefanyika mbele ya wakuu wa idara na vitengo

IMEANDALIWA NA;

AMINA PILLY

KITENGO CHA MAWASILIANO SERIKALINI.