MANISPAA ya Songea ilivyojipanga kupambana na dawa za kulevya

Tarehe ya kuwekwa: June 18th, 2018

MATUMIZI ya dawa za kulevya hasa kwa vijana bado ni tatizo katika Halmashauri ya Manispaa ya Songea mkoani Ruvuma  kama ilivyo kwa nchi nzima. Takwimu zinaonesha kuwa katika kipindi cha mwaka 2017 Manispaa ilikuwa na Waathirika wa dawa za kulevya waliojitokeza kupata huduma 106 kati ya hao Wanaume ni 105 na  Mwanamke ni mmoja. 

Katika kipindi cha Januari hadi  Mei, 2018 Manispaa ya Songea ina jumla ya waathirika wa dawa za kulevya waliojitokeza kupata huduma wapatao  108  wote wakiwa ni Wanaume  wenye umri kati ya miaka 15 – 62.  Manispaa ya Songea inatoa Wito kwa Wananchi wote kutojihusisha kwa namna yeyote kutumia dawa haramu za kulevya. 

Mganga Mkuu wa Halmashauri ya Manispaa ya Songea Dk.Mameritha Basike anawashauriwa wale walioathirika na dawa za kulevya kwenda kwenye vituo vya Afya kupata tiba na ushauri nasaha.

Imetolewa na Albano Midelo

Afisa Habari Manispaa ya Songea

Juni 18,2018