MANISPAA ya Songea inavyounga mkono mapambano dhidi ya Rushwa

Tarehe ya kuwekwa: June 22nd, 2018

HALMASHAURI ya Manispaa ya Songea mkoani Ruvuma,  imeendelea kuwakumbusha wadau wote wa mapambano dhidi ya rushwa, kuunga mkono kwa vitendo juhudi za Rais wetu Mh. Dkt John Pombe Magufuli za kuchukua hatua dhidi ya Rushwa. 

Katika kipindi cha Januari hadi Mei 2018 jumla ya taarifa 12  za matukio ya rushwa zimeripotiwa katika Taasisi ya Kuzuia na Kupambana na Rushwa (TAKUKURU) na kufanyiwa kazi  na kusababisha kufunguliwa kesi  tatu Mahakamani. 

TAKUKURU katika Manispaa ya Songea imefanya tafiti sita kuhusu  rushwa ili kubaini mianya ya Rushwa kwenye Idara mbalimbali za serikali. Aidha Manispaa ya Songea kwa kushirikiana na TAKUKURU imeelimisha jumla ya Wananchi 1,300 na kutoa machapisho zaidi ya 920 Kuhusu Rushwa.

Katika Halmashauri ya Manispaa ya Songea  Pia zimefunguliwa klabu 17 za kuelimisha na kupambana na rushwa Mashuleni.

MAPAMBANO DHIDI YA RUSHWA: “Kataa Rushwa Jenga Tanzania ”