MANISPAA ya Songea yapata Naibu Meya mpya

Tarehe ya kuwekwa: September 6th, 2019

BARAZA la  Halmashauri ya Manispaa ya Songea mkoani Ruvuma limemchagua  Asia Chikwale kuwa Naibu Meya mpya  wa Manispaa ya songea.

Meya wa Halmashauri ya Manispaa ya Songea Abdul Mshaweji ameongoza zoezi la uchaguzi wa Naibu Meya katika  baraza la madiwani la  mwaka wa fedha 2018/ 2019  ambalo limefanyika katika  ukumbi wa Manispaa ya Songea.

Kikao hicho pia kimewashirikisha  Mkurugenzi wa Manispaa ya Songea Tina Sekambo na Mkuu wa Wilaya ya Songea Pololet Mgema pamoja na watumishi wa Idara na vitengo wa Manispaa ya Songea.

Kwa upande wake, Mshaweji ameeleza umuhimu wa uchaguzi katika kulijenga taifa kwa kuwa kiongozi anayechaguliwa atashirikiana vyema na viongozi wa serikali na wananchi kuleta maendeleo ya Nchi.

“Uchaguzi huu unatija kwa wananchi naomba tuyatekeleze yote yaliyoainishwa.” Amesema Mshaweji

Naye, Diwani wa Viti Maalum  aliyekuwa Naibu Meya wa Manispaa ya Songea Judith Mbogoro ametoa shukrani kwa madiwani wote na viongozi mbalimbali wa Manispaa ya Songea kwa ushirikiano aliupata katika kipindi chote alichokuwa Naibu Meya wa Manispaa na ameahidi kuwa atakuwa pamoja na kiongozi aliyechaguliwa na endapo atakwama sehemu atasita kumpa wazo.

“Najitambua na kujijua nitatoa ushirikiano daima.” Anasema Mbogoro

Vile vile, Diwani wa Viti maalum aliyechaguliwa kuwa  Naibu Meya wa Halmashauri ya Manispaa ya Songea Asiah Chikwale amesema kuwa nafasi aliyoipata ataitumia vizuri kwa kushirikiana na viongozi wengine kuleta maendeleo ya Manispaa ya Songea,Mkoa na Taifa kwa ujumla wake.

“ nimechaguliwa kwa ajili ya wananchi, nitawajibika kwa ajili yao.” Amesema Chikwale

Uchaguzi wa meya wa Manispaa unafanyika kila mwaka wa fedha Nchini Tnazania.

Imeandaliwa na 

Farida Musa

Wa kitengo cha TEHAMA wa Manispaa ya Songea

September 5, 2019