MBUNGE SONGEA MJINI ATOA MAZULIA 180 KWA JUMUIYA YA WANAWAKE WA KIISLAMU MKOANI RUVUMA.

Tarehe ya kuwekwa: March 21st, 2022

Na,

AMINA PILLY,

AFISA HABARI MANISPAA.

21 MACHI 2022

Waziri wa Maliasili na Utalii Dkt. Damas Ndumbaro (MB) ametoa Mazulia 180 kwa Jumuiya ya wanawake wa Kiislamu Mkoa wa Ruvuma kwa ajili kupunguza changamoto ya  upungufu wa mazulia katika misikiti hiyo.

Msaada huo umetolewa  hapo jana tarehe 20.03. 2022 katika viwanja vya Msikiti wa Wilaya uliopo ndani ya Manispaa ya Songea.

Akizungumza wakati akikabidhi mazulia hayo kwa viongozi wa Jumuiya ya wanawake wa kiislamu Manispa ya Songea, alisema kuwa lengo la kutoa msaada huo ni kupunguza changamoto iliyopo ya upungufu wa vifaa vya kuswalia katika maeneo hayo ya nyumba za ibada.

Alisema kuwa mazulia hayo yatagawika kwa misikiti 8 ambapo kila msikiti utapata mazulia 22 ambayo ameahidi kuendelea kutoa ushirikiano na Jumuiya hiyo katika kutatua changamoto mbalimbali katika nyumba za ibada hususani misikiti.

MWISHO