MBUNGE WA SONGEA MJINI ATOA MILIONI 20 KUKAMILISHA UJENZI .

Tarehe ya kuwekwa: October 18th, 2021

Na; 

AMINA PILLY;

AFISA HABARI 

MANISPAA YA SONGEA.         

Waziri wa Maliasili na Utalii  DKT. Damasi Ndumbaro Mbunge wa Jimbo la Songea Mjini,  leo tarehe 18 oktoba 2021  amegawa mifuko ya Saruji 40 fedha kutoka Mfuko wa Jimbo kwa ajili ya ukamilishaji wa darasa moja Shule ya Msingi Nonganonga iliyopo Kata ya Mletele Manispaa ya Somgea.

Akiongea kwa niaba ya Mbunge wa Jimbo la Songea Mjini,  katibu wa Mbunge Ndugu Joel Ndunguru amesema changamoto  hiyo ilibainika wakiwa katika ziara ya kamati ya Siasa Wilaya ambapo kupitia ofisi ya Mbunge  iliahidi kusaidia saruji ili kuunga mkono jitihada za wananchi ambao waliweza kuchangia nguvu kazi za kujenga darasa hilo na  kisha kuezekwa  fedha  kutoka kwa Mkurugenzi Manispaa ya songea.

Aliongeza kuwa katika kutekeleza Ilani ya Chama Cha Mapinduzi DKT.Ndumbaro (MB) ametoa fedha milioni 20,000,000/= kwa ajili ya ukamilishaji wa Bwalo la chakula katika Sekondari ya Emmanuel Nchimbi ambalo lipo hatua ya ukamilishaji.

Naye Diwani wa kata ya Mletele  Gerard Maurus Lungu ametoa shukrani kwa Mheshimiwa Mbunge wa Jimbo la Songea Mjini kwa Msaada uliotolewa ambao utasaidia kukamilisha darasa moja ambalo litasaidia kupunguza sehemu ya changamoto za miundombinu zinazoikabili  shule hiyo.

MWISHO