MICHEZO.. MAJIMAJI SELEBUKA YAENDESHA KONGAMANO KWA VIJANA.

Tarehe ya kuwekwa: August 14th, 2020

Afisa  michezo  Manispaa ya Songea Mohamed  Kitesi amesema lengo kuu la kongamano hilo ni kutoa elimu kwa jamii ili waweze kujifunza kutengeneza mpango wakuweka akiba ambayo itaweza kuwasaidia  wakati wa sasa na wa baadae, lililofanyika kwa nyakati tofauti  katika ukumbi wa Manispaa ya Songea kuanzia 12-14/08/2020.

Kitesi amesema  kongamano hilo limeshirikisha Wavuvi, Wakulima, Wajasiliamali wadogo wadogo, Madereva Bajaji, pamoja na Wanafunzi  wa Sekondari zilizopo  manipsaa ya Songea.

 Majimaji Selebuka  huendesha shughuli zake chini ya taasisi  Songea  Mississippi Foundation iliyopo Manispaa ya Songea, ambao katika kongamano hilo wameshirikisha wadhamini NMB, NHIF, LATRA kwa lengo kuu kutoa elimu ya ujasiliamali kwa madereva bajaji, wakulima, na wajasiliamali wadogo pamoja  na  kuibua vipaji vya michezo mbalimbali kwa wanafunzi  na ushirikishwaji wa masuala ya Utalii.

Alisema Elimu hiyo imetolewa kwa lengo la kuwafanya wafahamu misingi na kanuni za uendeshaji bodaboda pamoja sheria za usalama  barabarani. Pia katika kuwajengea uwezo Wanafunzi kulikuwa na kongamano kwa wanafunzi ambapo baada ya kongamano hilo wamepatikana washindi ambao wamepewa zawadi mbalimbali ikiwemo shajala, pamoja na kuwafungulia akaunti na kuwawekea akiba kwa kila mshindi.

IMETAYARISHWA NA;

AMINA PILLY,

KAIMU AFISA HABARI MANISPAA YA SONGEA.