MIL 51 ZANUFAISHA VIKUNDI VYA WAJASILIAMALI KWA KUPATA MIKOPO ISIYO NA RIBA, MANISPAA YA SONGEA.

Tarehe ya kuwekwa: July 10th, 2020

Mikopo hiyo imetolewa  jana 09/07/2020  kwa wajasiliamali wadogo wadogo,  iliyofanyika  katika ukumbi wa  Manispaa ya Songea.

Mgeni rasmi katika zoezi hilo  alikuwa Mkuu wa Wilaya ya Songea Pololet Kamando Mgema ambaye aliwakilishwa na  Afisa Tarafa Madaba Showin Mapunda.

Mapunda alisema “Manispaa ya Songea imetoa Mikopo kwa vikundi 28 vya wajasiliamali Wanawake, Vijana, na Wenye ulemavu jumla ya Tsh 51,020,000/= ikiwa ni sehemu ya makusanyo ya Mapato ya ndani ya Manispaa ya Songea kwa mgawanyo wa wanawake 4%, Vijana 4%, na Walemavu 2% sawa na 10%.

Alianza kwa kuipongeza Halmashauri ya Manispaa ya Songea kwa jitihada nzuri za utoaji wa Mikopo  kwa makundi Maalmu ikiwa ni sehemu ya utekelezaji wa maagizo ya Serikali  ya awamu ya tano.

Alisema madhumuni na Shabaha kuu ya kuundwa kwa Vikundi hivi ni kujenga umoja katika utendaji wa Kazi na kudhaminiana ili kuwa na mafanikio ya haraka katika jamii.Hata hivyo aliwaasa wajasiliamali hao kutumia vizuri Mikopo hiyo ili iweze kuwasaidia kukuza mitaji yao   pamoja na Kipato cha Familia.

Alisema,  sifa nzuri ya mkopaji ni  kufanya marejesho kwa wakati ili waweze kukopesheka mara wanapohitaji mikopo.  Aliongeza kuwa kutorejesha fedha kwa wakati ni kudidimiza uchumi wa Taifa kwa ujumla.  Mikopo hiyo itaendelea kutolewa kila mwezi na bila riba yoyote.

IMEANDALIWA NA;

AMINA PILLY;

KAIMU AFISA HABARI- MANISPAA YA SONGEA.

10.07.2020