Mji wa Songea upo juu ya Madini

Tarehe ya kuwekwa: August 2nd, 2017

MJI WA SONGEA UPO JUU YA MADINI
UTAFITI umebaini kuwa mji wa Songea na baadhi ya maeneo ya mkoa wa Ruvuma yana utajiri wa madini mengi ya makaa ya mawe.Kuna kampuni za madini zimefanya tafiti na kubaini kuwa mkoa wa Ruvuma unaongoza nchini kwa kuwa na kiwango kikubwa cha madini aina ya makaa ya mawe na chuma.

Katika utafiti huo unaonesha kuwa mji wa Songea upo juu ya madini ya makaa ya mawe ambapo mkoa wa Ruvuma unashika nafasi ya pili kwa uwingi wa madini ya dhahabu, nafasi ya kwanza inashikwa na mkoa wa Shinyanga na kwamba madini ya chuma ambayo yameanzia Liganga na madini ya makaa ya mawe yalioanzia Mchuchuma yamesambaa na kuenea katika eneo kubwa la mkoa wa Ruvuma.