MKURUGENZI WA MANISPAA YA SONGEA AMEWATAKA WAKUU WA SHULE KUKAMILISHA MIRADI IFIKAPO 15/12/2021.

Tarehe ya kuwekwa: October 28th, 2021

Na,

AMINA PILLY,

AFISA HABARI MANISPAA.

28.10.2021

Mkurugenzi wa Manispaa ya Songea Dkt. Frederick Sagamiko amewataka wakuu wa shule kusimamia vizuri  miradi ya maendeleo ambayo ni utekelezaji wa Mpango wa maendeleo  ya Taifa na mapambano dhidi ya UVIKO – 19, Fedha kutoka Serikali kuu chini ya uongozi wa Mheshimiwa Rais wa Jamhuri ya muuungano wa Tanzania Samia Suluhu Hassan kiasi cha Shilingi 660,000,000 .

 Dkt.Sagamiko ametoa rai hiyo katika kikao kazi kilichoshirikisha Wafanyabiashara mbalimbali wa vifaa vya ujenzi, Wakuu wa shule, pamoja na wataalamu mbalimbali kilichofanyika leo katika ukumbi wa Manispaa ya Songea kwa lengo la kutoa maelekezo kwa wasimamizi wa miradi ya ujenzi pamoja na kuwaunganisha na wafanyabiashara ili kurahisisha usambazaji wa vifaa vya ujenzi kwa wakati na kwa kufuata utaratibu wa manunuzi ya fedha za Serikali.

Alisema miradi yote inatakiwa kukamilika mara ifikapo tarehe 15 disemba 2021 ambapo amesisitiza kila msimamizi wa mradi wanatakiwa kufanyakazi kwa kufuata miongozo na taratibu ziliwekwa kwa kuzingatia uwazi, ushirikishwaji na uwajibikaji.

Kwa upande wa wafanyabiashara wametoa maoni yao kwa kumpongeza Mkurugenzi wa Manispaa ya Songea kwa kuweka utaratibu mzuri ambao umewafanya wajenge mahusiano bora na wasimamizi wa miradi na wamemhakikishia kuwa watatoa huduma hizo kwa kufuata taratibu za manunuzi ya bidhaa za Serikali ikiwemo na kusambaza vifaa kwenye miradi kwa wakati.

Mwisho.