Mkuu wa Mkoa wa Ruvuma, Apokea Taarifa ya Kifo cha Mhe. Jenista Mhagama- Mbunge wa Pearamiho

Tarehe ya kuwekwa: December 11th, 2025

Mkuu wa Mkoa wa Ruvuma amepokea kwa masikitiko taarifa rasmi ya kifo cha Mhe. Jenista Mhagama, Mbunge wa Jimbo la Peramiho na Waziri Mstaafu wa Afya.

Katika taarifa yake, Mkuu wa Mkoa amesema watamkumbuka Mhe. Mhagama kwa mchango wake mkubwa alioutoa katika sekta ya afya, elimu na miundombinu. Amesema taratibu za kumhifadhi marehemu zimeshaanza kufanyika mkoani Dodoma, na baada ya mwili kuagwa rasmi Dodoma, taratibu  nyingine zitafuata kwa kushirikiana na familia na viongozi wa wilaya na mkoa.

Mkuu wa Mkoa pia ametangaza ratiba ya mazishi na shughuli zinazohusiana na kumbukumbu za marehemu  kama zifuatazo:

• Tarehe 14 Desemba 2025: Mwili utapokelewa mkoani Ruvuma, Songea ambapo kutafanyika misa na maombi nyumbani kwa marehemu, Makambi.
• Tarehe 15 Desemba 2025: Mwili utaelekea Peramiho kwa ajili ya misa na kupewa heshima kwenye jimbo lake la Peramiho.
• Tarehe 16 Desemba 2025: Kutafanyika mazishi rasmi ya marehemu katika kijiji cha Rwanda, kuanzia saa 5:00 asubuhi hadi saa 9:00 alasiri.

Mkuu wa Mkoa amewaomba wananchi kuungana na kushirikiana katika kipindi hiki na kumsindikiza marehemu katika safari yake ya mwisho.