MKUU WA WILAYA YA SONGEA AANZA ZIARA YA KUTEMBELEA KATA

Tarehe ya kuwekwa: July 12th, 2023

MKUU wa Wilaya ya Songea Wilman Kapenjama Ndile, ameanza ziara ya kutembelea Kata kwa kata kwa lengo la kusikiliza kero mbalimbali zinazohusu jamii ya kata husika.

Ziara hiyo imeanza tarehe 11 julai 2023 ambapo ameweza kutembelea kata ya Ruvuma ambako amekutana na wananchi na kuzungumza nao juu ya maendeleo ya kata na namna ya kutatua changamoto zao. Wakizungumza wananchi wa kata hiyo ambapo walisema changamoto kubwa ambayo inaikabili kata hiyo ni  pamoja na kivuko, pamoja na Barabara.

Akijibu hoja hizo Mkurugenzi wa Manispaa ya Songea Dkt. Frederick Sagamiko alisema kupitia mwaka wa fedha 2023/2024 Kata ya Ruvuma itatengenezwa  barabara ya kiwango cha Lami kuanzia kata ya Majengo Hadi Kituo cha Afya Ruvuma.

Imeandaliwa na;

Amina Pilly;

Kitengo cha Mawasiliano Serikalini.