Mkuu wa Wilaya ya Songea amewataka Waendesha Bajaji na Bodaboda kuzingatia Sheria za Usalama Barabarani

Tarehe ya kuwekwa: July 12th, 2023

MKUU wa Wilaya ya Songea Kapenjama Ndile amewataka Waendesha Bodaboda na Bajaji kuhakikisha  wanauunda umoja wao  ili kuwezesha kuwa na Sauti moja wanapokuwa changamoto mbalimbali ambayo inapaswa kusikilizwa na viongozi husika.

Hayo yamejili wakati wa kikao kazi cha Mkuu wa Wilaya ya Songea na Waendesha  Bodabda na Bajaji kilichofanyika katika ukumbi wa Manispaa ya Songea ambacho kilishirikisha  kamati ya ulinzi na usalama ya Wilaya,  pamoja na uongozi wa Manispaa ya Songea kwa lengo la kusikiliza  kero za Madereva hao.

Ndile alisema kuwa “ mnapokuwa na uongozi imara kupitia umoja wenu mtaweza kupeleka changamoto zenu kwenye  Mamlaka husika kwa kufuata utaratibu unaokubalika ambao pia utawezesha  kupata fursa mbalimbali ikiwemo na kupata mikopo,  kupata mafunzo ya Udereva kupitia VETA na kujenga mahusiano bora baina yao na Serikali.”

Amewataka kufuata sheria bila Shuruti ikiwemo na kulipa leseni ya Udereva na Leseni ya Chombo chenyewe pia kuwepo na  utaratibu wa kukutana mara kwa mara  ili kutatua changamoto mbalimbali zinazowakabili.

Kwa Upande wake Mkuu wa Kikosi cha Usalama Barabarani  Wilaya ya Songea ASP Muya Zuberi Maunganya amewataka Waendesha Bajaji na Bodaboda kuendelea kufuata Sheria za Usalama Bararani ikiwemo kupata Leseni na kuzingatia  Maegesho rasmi yaliyoruhusiwa na Mamlaka husika.  

Kwa upande wa Waendesha Bodaboda na Bajaji walitoa Shukrani kwa Serikali kwa kuitisha kikao hicho ambacho imekuwa  ni sehemu ya  kutoa kero zao na  kusikilizwa.

IMEANDALIWA NA;                           

AMINA PILLY;

KITENGO CHA MAWASILIANO SERIKALINI