MKUU WA WILAYA YA SONGEA KUTEMBELEA MIRADI.

Tarehe ya kuwekwa: October 30th, 2022

Mkuu wa Wilaya ya Songea Pololet Kamando Mgema amewataka wataalamu wa ujenzi kuhakikisha  wanasimamia kwa ufanithi  miradi ya ujenzi wa madarasa inayoendelea kujengwa katika maeneo mbalimbali Wilayani humo na kufanikisha kukabidhi ifikapo tarehe 30 Novemba mwaka huu.

Ziara hiyo imefanyika jana tarehe 29 Oktoba 2022  kwa kufanikisha kutembelea ujenzi wa madarasa 76  katika shule za sekondari ambapo amefurahishwa  kuona ujenzi ukiwa  katika hatua mbalimbali za ujenzi, ukuta, renta, kuezeka na nyingine ukamilishaji.

Mhe. Pololet  amesema Wilaya ya Songea inaendelea na ujenzi wa madarasa 96 kati ya hayo madarasa 76 yanajengwa Manispaa ya Songea, Madarasa 10 Halmashauri ya Wilaya ya Madaba, na madarasa 10  Halmashauri ya Wilaya ya Songea.

Ametoa pongeazi kwa Rais wa Jamhuri ya Muungano wa Tanzania Mhe. Samia  Suluhu Hassan kwa kutoa fedha Bil. 1.52 kwa ajili ya ujenzi wa  vyumba vya madarasa 76 katika Halmashauri ya Manispaa ya Songea, ambapo amewarai  wataalamu, na kamati za ujenzi kwa kuendelea kushirikiana  na kuhakikisha inakamilika na kukabidhi  ifikapo tareghe 30 Novemba

AMINA PILLY

KITENGO CHA MAWASILIANO SERIKALINI