MNUFAIKA wa TASAF aliyefanikiwa kujenga nyumba mpya Songea

Tarehe ya kuwekwa: March 4th, 2019

Hawa Hassan(57) mkazi wa mtaa Pachanne,kata ya Mjimwema anasema kabla ya  kuanza kupata ruzuku ya shilingi 36,000 kutoka TASAF alikuwa anaishi katika mazingira magumu kwa kuwa mume wake alimuacha mara ya baada ya kupata maradhi ya miguu.

Amesema  kutokana na ruzuku hiyo aliamua kuanza biashara ya ndogo ndogo ya kuuza mafuta ya kula  na nyanya, na kucheza upato hivyo kufanikiwa kupata shilingi laki moja Machi 2016 ambazo zilimwezesha kununua  kuku wa mayai 74 ambazo zimemletea faida kubwa  ikiwemo kujenga nyumba nyingine mpya yenye vyumba vitatu.

Hawa anasema hivi sasa ana uhakika wa maisha, kwa kuwa mradi wake wa kuku unaendelea vizuri.Hata hivyo amesema hivi sasa amebakiwa na kuku wa mayai 47 ambao wanaendelea kumsaidia katika maisha yake na familia