MSTAHIKI MEYA AMEWATAKA WATENDAJI WA KATA KUTUMIA PIKIPIKI KWA KUHUDUMIA WANANCHI

Tarehe ya kuwekwa: February 21st, 2023

Halmashauri ya Manispaa ya Songea inatoa shukrani za dhati kwa  Rais wa Jamhuri ya Muungano  wa Tanzania Mhe.  Dkt. Samia Suluhu Hassan kwa kutoa  Pikipiki moja 1 kwa ajili ya kuboresha utendaji wa kazi wa Maafisa Watendaji wa Kata ili kuwafikia wananchi na kutoa huduma kwa wakati.

Pongezi hizo zimetolewa leo 21 Februari 2023  na Mstahiki Meya Manispaa ya Songea Michael  Mbano  wakati wa kukabizi Pikipiki  kwa Afisa Mtendaji wa Kata Subira,   Alexanda  Kapinga  ambapo amemtaka kutumia pikipiki hiyo kwa ajili ya kuhudumia wananchi pamoja na kusimamia  miradi ya maendeleo.

Mhe. Mbano alisema Serikali itaendelea  kuleta Pikipiki kwa ajili ya kurahisisha utendaji wa kazi  kwa Watendaji wa kata, ambapo  kwa awamu ya kwanza Manispaa ya Songea imepokea Pikipiki  moja 1 ambayo amekabidhiwa Mtendaji wa kata ya Subira  kutokana na kata hiyo kuwa na umbali na  hupelekea kutofikika kwa wakati kuliko kata nyingine.

Naye Afisa Mtendaji wa kata ya Subira Alexanda Kapinga ametoa shukrani kwa Serikali ya awamu ya Sita inayoongozwa na Mhe. Dkt. Samia Suluhu Hassani kwa kumpatia kitendea kazi (usafir) ambao utamsaidia kufika ofisini kwa wakati na kutoa huduma kwa wananchi.

IMEANDALIWA NA;

AMINA PILLY

KITENGO CHA MAWASILIANO SERIKALINI.