NJIA rahisi ambayo inaweza kumaliza mbu wa malaria

Tarehe ya kuwekwa: January 20th, 2019

UGONJWA wa malaria ndiyo unaongoza kwa kusababisha vifo kuliko magonjwa mengine  hapa nchini.

 Watalaamu wanasema kuwa kuna njia tatu za kupambana na ugonjwa wa malaria njia ya kwanza ni kuhakikisha kuwa watu wote wanaougua malaria wanapata tiba sahihi  ya malaria.

Njia ya pili ni kuhakikisha kuwa watu wasiumwe na mbu wa malaria kwa kutumia vyandarua vyenye dawa.

Njia ya tatu ya kutokomeza malaria ni kuangamiza  mazalia ya mbu kwa kupuliza dawa.

Utafiti unaonesha kuwa njia ya tatu  ya kuangamiza mazalia ya mbu inaweza kumaliza  malaria kwa asilimia 100.

Teresia Nyirenda ni Mkurugenzi wa Taasisi ya Saint Teresa Orphas Foundation (STOF) ambaye anaishi nchini Marekani anasema mazingira ya Tanzania yamekuwa ni mazalio ya mbu hali inayochangia kueneza ugonjwa wa malaria ambao unamaliza maelfu ya watu kila mwaka.

Nyirenda anaitaja njia ya gharama nafuu ya kupambana na mazalia ya mbu kuwa ni kutumia maua na miti ambayo inatumika nchini Marekani  ambayo imechangia kumaliza mbu wa malaria katika nchi hiyo.Ameitaja mimea hiyo kuwa ni majivuno na michaichai.

Ugonjwa malaria bado ni  tatizo kubwa hapa nchini  kwa kuwa ugonjwa huo  ndiyo unaoongoza kwa kusababisha idadi kubwa ya vifo ambapo watanzania kati ya 60,000 hadi 80,000 wanakufa kutokana na ugonjwa huo kila mwaka.

Kwa mujibu wa takwimu hizo kila siku watu 291 wanapoteza maisha  kutokana na ugonjwa wa malaria wengi wao ni watoto chini ya miaka mitano.

Inakadiriwa kuwa  zaidi ya asilimia 93 ya watanzania wanaokadiriwa kufikia milioni 55 wapo katika hatari ya kuambukizwa malaria na hivyo kuifanya Tanzania kuwa nchi ya tatu duniani kuwa na idadi kubwa ya watu wengi walio katika hali hatarishi ya kuambukizwa malaria.

Takwimu kutoka shirika la afya ulimwenguni  zinaonesha kuwa kila mwaka watu kati ya milioni 300 hadi 500 duniani wanapata ugonjwa wa malaria, kati yao watu milioni moja na nusu wanakufa kutokana na ugonjwa huo.

albano.midelo@gmail.com,simu 0784765917