NYUMBA ya Nyerere na Samora iliyosahaulika mkoani Ruvuma

Tarehe ya kuwekwa: August 13th, 2018

MKOA wa Ruvuma umebarikiwa kuwa na vivutio adimu vya utalii wa okolojia na kiutamaduni ambao haufahamiki na wengi.Katika eneo la Masonya lililopo katika Halmashauri ya Wilaya ya Tunduru mkoani Ruvuma lina utajiri wa utalii wa malikale na utambulisho wa Taifa kwa sababu katika eneo hili kuna nyumba yenye namba A 10 ambayo walikuwa wanafikia na kuishi Marais Hayati  Julius Nyerere wa Tanzania  na Hayati Samaro Machel  wa Msumbiji kuanzia 1966 wakati wa harakati za ukombozi Kusini mwa Afrika.

Mkurugenzi wa Makumbusho ya Taifa ya Majimaji Bartazar Nyamusya anasem viongozi hao pia walitumia kibanda unachokiona  kama chumba cha mawasiliano na nchi zilizokuwa katika harakati za ukombozi kusini mwa Afrika.Hata hivyo toka nyumba ya viongozi hadi kibanda hicho cha mawasiliano limejengwa handaki la chini kwa chini.Eneo la Masonya lipo kilometa 12 kaskazini mwa mji wa  Tunduru.Eneo  hili lenye ekari 100 linatakiwa kuendelezwa kwa sababu linaweza kutoa mchango mkubwa katika nyanja za  utalii,uchumi,elimu na utafiti.Hata hivyo  serikali katika eneo hili imejenga sekondari ya Masonya.

Mwandishi wa makala haya ni Albano Midelo

Mawasiliano albano.midelo@gmail.com,simu 0784765917