OFISI ya Mkuu wa Mkoa wa Ruvuma yakagua miradi ya Mwenge Manispaa ya Songea

Tarehe ya kuwekwa: September 8th, 2019

Ofisi ya Mkuu wa Mkoa wa Ruvuma kwa kushirikiana na Mkurugenzi wa Halmashauri ya Manispaa ya Songea wamefanya ziara ya kutembelea miradi mbalimbali itakayozinduliwa na Mwenge wa Uhuru 22/09/2019  katika Manispaa ya Songea.

Katibu Tawala Msaidizi wa Mkoa wa Ruvuma  Mkonge Ally  akizungumza katika eneo la miradi  hiyo ambayo ni; mradi wa Maji uliopo Luhila Kati, mradi wa ujenzi wa barabara ya Haf London Stand, mradi wa ujenzi wa madarasa katika shule ya Matarawe, mradi wa kitalu nyumba uliopo Shule ya Sekondari Chandarua pamoja na mradi wa kituo cha afya kilichopo Bombambili, amewataka  viongozi kuwa makini sana katika kufanya maandalizi ili waweze kufanikisha kupokea mwenge wa uhuru bila tatizo lolote.

Ally amewaomba kufanya marekebisho kwenyemiradi iliyo na mapungufumapema kabla ya tukio pia ametoa wito kwa viongozi kushirikiana katika kufanya maandalizi  kwa kuwa mwenge wa uhuru una umuhimu zaidi kwa kuwa unajenga umoja na mshikamano kwa wananchi.

 Viongozi wenzangu mwenge ni alama ya umoja.’’Amesema Mbeya.

Kwa upande wake, Mratibu wa Mwenge wa Halmashauri ya Manispaa ya Songea Abraham Mwakalegule ameahidi kutekeleza na kuyafanyia kazi maagizo yaliyotolewa na kiongozi wa Mbio za Mwenge wa uhuru ili kufanikisha sauala hilo.

Naye, Mkurugenzi wa Manispaa ya Songea Tina Sekambo amewashukuru  kwa mchango wa mawazo ambayo yatasaidia kuzaa matokeo chanya katika maandalizi ya kupokea mwenge wa uhuru na amewaahidi kuwa wategemee mabadiliko mazuri katika sehemu zote zenye mapungufu.

“Hatutawaangusha tutakeleza kwa pamoja.” Amesema Sekambo

Mwenge wa uhuru ni alama ya umoja hivyo unapaswa kuwa wa taifa moja kama bendera na wimbo wa taifa.

Imeandaliwa na 

Bacilius Kumburu

Wa kitengo cha TEHAMA Manispaa ya Songea 

Septemba 7, 2019