POS zaongeza mapato kwa asilimia 260 Songea

Tarehe ya kuwekwa: May 31st, 2018

UKUSANYAJI wa mapato kwa njia ya mashine za kieletroniki  (POS ) katika Halmashauri ya Manispaa ya Songea Mkoa wa Ruvuma  umesababisha mapato ya Halmashauri hiyo kuongezeka kwa asilimia  262 hadi kufikia Machi mwaka huu. Mwekahazina Mkuu wa Manispaa hiyo  Denis Mwaitete  Akizungumza na jopo la wanahabari ofisini kwake mjini Songea amesema kabla kutumia POS makusanyo kwa mwaka yalikuwa ni shilingi bilioni 1.3 kwa mwaka na kwamba baada ya kuanza kutumia POS makusanyo yamepanda kwa mwaka hadi kufikia shilingi bilioni 2.262 kwa mwaka sawa na asilimia 262.

Amesema hadi sasa Manispaa ya Songea imenunua POS 100 ambazo zimesambazwa katika vituo vyote vya kukusanya mapato na kwamba hakuna kituo ambacho kinatumia mfumo wa vitabu na kwamba POS  zimerahisisha watumishi na ofisi ya Mkurugenzi  kupata takwimu sahihi za ukusanyaji mapato kwa sikuwa, wiki hadi mwezi hali ambayo inasababisha serikali kupata mapato halali na kupunguza upotevu wa mapato ambao ulikuwapo kabla ya kuanza matumizi ya POS.

Mwaitete ametoa rai kwa wananchi wa Manispaa hiyo na watanzania kwa ujumla  kuhakikisha wanatumia risiti za kieletroniki  ili serikali iweze kuongeza mapato ambayo yanaiwezesha serikali kuwahudumia wananchi wake  na kuanzisha miradi mbalimbali ya maendeleo kama ilivyo katika Manispaa hiyo ambako kuna miradi mikubwa ukiwemo ujenzi wa Stendi mpya ya mabasi katika eneo la Kata ya Tanga ambayo itaongeza mapato na kuongeza ajira kwa vijana na wanawake. 

Imetolewa na Albano Midelo 

Afisa Habari wa manispaa ya Songea 

Mei 31,2018