RATIBA YA ZIARA YA KIKAZI YA MAKAMU WA RAIS - MKOANI RUVUMA.

Tarehe ya kuwekwa: July 19th, 2023

Makamu wa Rais wa Jamhuri ya Muungano wa Tanzania Dkt. Philip Isdor Mpango anatarajia kuanza ziara ya kikazi kuanzia tarehe 20 Julai 2023 hadi 24 Julai 2023 Mkoani Ruvuma.

Akizungumza na waandishi wa Habari ofisini kwake Mkuu  Mkoa wa Ruvuma  Kanal Laban Thomas amesema “ tarehe 20 Julai 2023 Makamu wa Rais anatarajia kuwasili katika kijiji cha Lilondo Halmashauri ya Madaba na kupokelewa na viongozi wa Chama na Serikali kisha  atawasalimu wananchi, pia akiwa katika  Halmashauri ya Madaba  pia atawasalimia wananchi  katika katika kijiji cha Mlilayoyo  kisha kuondoka kuelekea Ikulu ndogo.

Alisema Tarehe 21 Julai 2023 atazindua kituo cha Afya Lilambo na kuongea na wananchi, kisha ataondoka kuelekea kijiji cha Matomondo katika Halmashauri ya  Wilaya ya Songea  ambako ataweka jiwe la msingi Barabara ya Kiwango cha Lami ya Matomondo  hadi Mlale JKT yenye Urefu wa Km 4.5, pia ataongea na wananchi na kuelekea Peramiho ambapo atafungua Jengo la kusafisha Figo , na kukagua jengo la upasuaji pia na kusalimiana na wananchi.

Kanal Laban aliongeza kuwa Ziara hiyo itaendelea hadi tarehe 22 Julai ambapo atashiriki kuzindua Kampeni ya Kitaifa ya Msaada wa Kisheria ya Mama Samia ( Mama Samia Legal Aid  Campaign) itakayofanyika katika uwanja wa Majimaji.

Makamu wa Rais ataendelea na Ziara  hadi tarehe 23 Julai ambapo atatembelea Wilaya ya Nyasa na Mbinga, na  anatarajia kukamilisha ziara yake tarehe 24 Julai 2023 siku ya Jumatatu.

IMEANDALIWA NA;

AMINA PILLY;

KITENGO CHA MAWASILIANO SERIKALINI.