SHULE ZOTE ZIHAKIKISHE ZINATOA CHAKULA CHENYE VIRUTUBISHO IFIKAPO JULAI 2023.

Tarehe ya kuwekwa: May 24th, 2023

Mkurugenzi wa Manispaa ya Songea Dkt. Frederick Sagamiko  amewataka maafisa Elimu Msingi na Sekondari na maafisa lishe kuhakikisha wanasimamia  zoezi la wanafunzi  kupata chakula   chenye viini lishe ili kuondoa hali ya udumavu.

Hayo yamejili katika kikao cha kamati ya lishe cha robo ya  tatu ya mwaka ambacho kimefanyika tarehe 24 Mei  katika ukumbi wa  Manispaa  ya  Songea na kuhudhuriwa na viongozi wa dini, watalaamu  pamoja na wadau mbalimbali kwa lengo la kufanya tathimini ya hali ya Lishe ngazi ya Halmashauri.

Dkt. Sagamiko ametoa rai kwa maafisa Watendaji kata/mitaa kushirikiana na maafisa lishe katika kuhamasisha na kuwaelimisha wazazi wajibu na umuhimu wa kuchangia   chakula kwa wanafunzi   shuleni  katika  kipindi cha  masomo yao.

Kwa upande wake Mganga mkuu wa Manispaa ya Songea Dkt. Amos Mwenda amewataka maafisa lishe kufanya ukaguzi wa viwanda  vya usindikaji wa chakula  kuhakikisha vinakuwa na mashine za kuchanganyia viini lishe.

Alisema Wazabuni wanapaswa kupewa Elimu juu ya kusambaza chakula chenye virutubisho shuleni  ili kujenga afya za wanafunzi na kuondoa tatizo la utapia mlo  na udumavu katika jamii   Manispaa ya Songea. Dkt.Mwenda alibainisha.

Naye Afisa lishe Manispaa ya Songea Albert Sinkamba amewataka maafisa Elimu Msingi na Sekondari  kutoa ushirikiano kwa maafisa watendaji kata/mitaa wakati wa  kufanya vikao mbalimbali vya wananchi au wazazi  na  kutoa miongozo kwa wazazi juu ya mustakabali wa kuchangia chakula   shuleni.

IMEANDALIWA NA;

AMINA PILLY

KITENGO CHA MAWASILIANO SERIKALINI.