SIKU YA USAFI DUNIANI

Tarehe ya kuwekwa: September 16th, 2023

Tarehe 16 Septemba ni siku ya Usafi Duniani,  katika kutekeleza maadhimisho haya,  Wilaya ya Songea imefanya usafi katika  maeneo   mbalimbali ya kijamii  kwa nyakati tofauti  ili kuhakikisha  mazingira yanakuwa safi.

Kwa upande wa Manispaa ya Songea maadhimisho hayo yamefanyika kwa kufanya usafi katika maeneo yote ya masoko, Taasisi pamoja na kila mwananchi kuhakikisha anafanya usafi kwenye kaya yake.

Akizungumza na wananchi mara baada ya kukamilisha usafi wa mazingira , Mkuu wa Wilaya ya Songea Mhe. Kapenjama Ndile  amewataka viongozi ngazi ya kata na mitaa, pamoja na wananchi wote kuhakikisha usafi unafanyika ipasavyo  kwa kushirikiana na wananchi  ili mji uweze kuwa safi. “Alisisitiza”.

Ndile alisema” Usafi wa mazingira ni jambo mtambuka hivyo amewataka Halmashauri kuongeza  jitihada za kuondoa taka katikati ya mji pamoja na kuongeza vitendea kazi  vya usafi wa mazingira.”

 Akiishukuru  Menejiment ya  WASAFI Media kwa kushiriki matukio ya usafi wa mazingira katika soko la Bombambili  pamoja na kuendesha  Kongamano la JIONGEZE ni jukumu lako ambalo limefanyika tarehe 15 Septemba 2023 katika ukumbi wa Manispaa ya Songea kwa lengo la kutoa elimu ya kufungua fursa za kiuchumi na uwekezaji Mkoani Ruvuma. “ Aliwashukuru"

Kwa upande wake Mstahiki Meya Manispaa ya Songea Mhe. Michael Mbano, alisema ili kutatua changamoto za usafi wa mazingira, Manispaa ya Songea imeweka  mpango mkakati wa kujenga Dampo, kuongeza  vitendea kazi vya usafi, pamoja na kutumia kampuni kwa ajili ya kuzoa taka. “ Alibanisha’

“Mwisho”            

IMEANDALIWA NA;

AMINA PILLY;

KITENGO CHA MAWASILIANO SERIKALINI.