TANGAZO LA ZABUNI YA USAFI NO 2.

Tarehe ya kuwekwa: May 24th, 2022

JAMHURI YA MUUNGANO WA TANZANIA OFISI YA RAIS TAWALA ZA MIKOA NA SERIKALI ZA MITAA HALMASHAURI YA MANISPAA YA SONGEA

NAMBA YA ZABUNI: LGA/103/2021/2022/NCS/46 LOT 1

ZABUNI YA KUFANYA USAFI ,KUKUSANYA TAKA NGUMU KWENYE MAKAZI YA WATU ,MAJENGO YA BIASHARA,MASOKO,STENDI ZA MABASI,MITAA NA OFISI MBALIMBALI KUZOA TAKA NA KUZIPELEKA DAMPO LA SUBIRA NA KUKUSANYA ADA ZA TAKA KATIKA KAYA ZOTE  KATA ZA MJINI,MFARANYAKI,MAJENGO KATIKA HALMASHAURI YA MANISPAA YA SONGEA.

HALMASHAURI YA MANISPAA YA SONGEA

S.L.P 14

May,  2022

YALIYOMO  

Dibaji ii

VIFUPISHO.. iv

SEHEMU YA KWANZA: MWALIKO WA ZABUNI 1

SEHEMUYA PILI: MAELEKEZO KWA WAZABUNI 3

SEHEMU YA TATU: LOHODATA YA ZABUNI (LDZ) 11

SEHEMU YA NNE; JEDWALI LA MAHITAJI NA BEI 14

SEHEMU YA TANO: MAELEZO YA VIGEZO MSAWAZO VYA KIUFUNDI 15

SEHEMU YA SITA: AGIZO LA UNUNUZI (ALU) 16

VIGEZO NA MASHARTI YA AGIZO LA UNUNUZI: 18

JEDWALI LA MAHITAJI NA BEI 20

SEHEMU YA SABA: MASHARTI YA JUMLA YA MKATABA (MJM) 21

SEHEMU YA NANE: MASHARTI MAALUM YA MKATABA (MMM) AU AGIZO LA UNUNUZI (ALU) 39

MASHARTI MAALUM YA MKATABA.. 40

SEHEMU YA TISA: FOMU.. 43

SEHEMU YA KUMI: UADILIFU.. 52

AHADI YA MTOA HUDUMA KUHUSU SERA DHIDI YA RUSHWA, KANUNI ZA MAADILINA PROGRAMU YA UKIDHI 53

VIFUPISHO

ALU             -         Agizo la Ununuzi

MJM             -         Masharti ya Jumla ya Mkataba

MMM            -         Masharti Maalum ya Mkataba

MZ               -         Mwaliko wa Zabuni

NSZ              -         Nyaraka Sanifu za Mwaliko wa Zabuni   

PPA             -         Sheria ya Ununuzi wa Umma, Sura ya 410

TANePS       -         Mfumo wa Kitaifa wa Ununuzi kwa njia ya Mtandao

TIN               -         Namba ya Utambulisho wa Mlipa Kodi

TJU              -         Tangazo la Jumla la Ununuzi

TN                -         Taasisi Nunuzi

UZM             -         Ushindani wa Zabuni Kimataifa

UZT              -         Ushindani wa Zabuni Kitaifa

VAT             -         Kodi ya Ongezeko la Thamani

SEHEMU YA KWANZA: MWALIKO WA ZABUNI

JAMHURI YA MUUNGANO WA TANZANIA

OFISI YA RAIS

TAWALA ZA MIKOA NA SERIKALI ZA MITAA

HALMASHAURI YA MANISPAA YA SONGEA

TANGAZO LA ZABUNI

Namba ya Zabuni: NA.LGA/103/2021/2022/NCS/46 LOT 1

Kwa ajili ya: ZABUNI YA KUFANYA USAFI ,KUKUSANYA TAKA NGUMU KWENYE MAKAZI YA WATU ,MAJENGO YA BIASHARA,MASOKO,STENDI ZA MABASI,MITAA NA OFISI MBALIMBALI KUZOA TAKA NA KUZIPELEKA DAMPO LA SUBIRA NA KUKUSANYA ADA ZA TAKA KATIKA KAYA ZOTEKAYA ZOTE KATA ZA MJINI,MFARANYAKI,MAJENGO KATIKA HALMASHAURI YA MANISPAA YA SONGEA.

MWALIKO/ TANGAZO LA ZABUNI    Tarehe: 20/05/2022

Kwa: WAZABUNI.

Mwaliko huu wa Zabuni (MZ) unafuatia Tangazo la Jumla la Ununuzi (TJU) kwa ajili ya Halmashauri ya Manispaa ya Songea kwa mwaka wa fedha 2021/2022. 

Halmashauri ya Manispaa ya Songea inapenda kualika zabuni kutoka kwa watu Binafsi, Makampuni, Ushirika, Taasisi au Vikundi vya watu vilivyosajiliwa kisheria wenye nia, uwezo na uzoefu wa ZABUNI YA KUFANYA USAFI ,KUKUSANYA TAKA NGUMU KWENYE MAKAZI YA WATU ,MAJENGO YA BIASHARA,MASOKO,STENDI ZA MABASI,MITAA NA OFISI MBALIMBALI KUZOA TAKA NA KUZIPELEKA DAMPO LA SUBIRA NA KUKUSANYA ADA ZA TAKA KATIKA KATA ZA MJINI,MFARANYAKI,MAJENGO KATIKA HALMASHAURI YA MANISPAA YA SONGEA kutuma maombi yao kwa Zabuni hii.

Unaalikwa kuwasilisha Zabuni yako kwa ajili ya kukusanya MAPATO YA KUKUSANYA ADA ZA TAKA kama ilivyoainishwa kwenye Nyaraka za Zabuni.

Zabuni zote zikiwa zimejazwa kikamilifu ziwasilishwe HALMASHAURI YA MANISPAA YA SONGEA BOX 14 (KITENGO CHA MANUNUZI) kabla ya 13/05/2022 muda kuanzia saa moja na nusu  hadi saa tisa na nusu mchana na tarehe ya mwisho ya kuwasilisha Zabuni kwa kuzingatia idadi ya siku zilizoruhusiwa kwa Zabuni.Ufunguzi wa Zabuni hizo zitafunguliwa baada ya muda wa mwisho wa kuwasilishwa Zabuni.

Mwombaji aonyesha uzoefu wake kwa mda usiopungua miaka mitatu kazi zinazofanana na kazi tajwa hapo juu.

Mwombaji anatakiwa kuanisha kiasi anachoweza kukuzanya kwa mwei,matumizi pamoja na faida yake na kiasi kitakachobaki halmashauri kwa tarakim na asilimia katika mchanganuo wa mapato na matumizi (kiasi atakachokusanya ,kiasi anachotakiwa apewe kama kamisheni kila mwezi na kiasi kinachobaki halmashauri kila mwezi.

Mwombaji awe na uwezo wa kufanya kazi miezi mitatu bila ya kutegemea halmashauri.

Ada zote zitakusanywa kwa machine za pos zitakazotolewa na kusajiliwa na Manispaa ya Songea.

Mzabuni awe tayari kukusanya ada ya taka kwa viwango vilivyopo katika POS atakazokabidhiwa na Manispaa.

Mzabuni atapaswa kuwasilisha taarifa ya utendaji kazi,mapato na matumii kila mwisho wa mwezi,kushindwa kufanya hivyo atakuwa amevunja mkataba.

Mzabuni aambatanishe idadi ya watumishi alionao pamoja na vyeti vyao (Mhasibu,Afisa mazingira,Usafirishaji,msimamizi wa Ofisi mmoja).

 Mwombaji aambatanishe mwambaji aonyeshe,idadi ya vitendea kazi alivyokuwa nazo mfano:Magari na umiliki wake mitambo na umiliki wake).

Mwombaji awe tayari kununua tayari kununua kitabu  kwa tshs.30,000.00 na aambatanishe risiti ya malipo wakati wa kurudisha zabuni.

Zabuni au sehemu za Zabuni ambazo zitawasilishwa nje ya mda au kwa njia isiyoruhusiwa  hazitakubaliwa wala kuzingatiwa kwa ajili ya tathmini, bila kujali mazingira yoyote.                 

MKURUGENZI WA MANISPAA

HALMASHAURI YA MANISPAA YA SONGEA

SEHEMUYA PILI: MAELEKEZO KWA WAZABUNI

SEHEMU YA TATU: LOHODATA YA ZABUNI (LDZ)

SEHEMU YA TANO: MAELEZO YA VIGEZO MSAWAZO VYA KIUFUNDI

[Ambatanisha vigezo msawazo (specifications)]

MCHANGANUO WA MAPATO NA MATUMIZI KWA MWEZI

                                        (Statement of Requirement)

ZABUNI YA KUFANYA USAFI ,KUKUSANYA TAKA NGUMU KWENYE MAKAZI YA WATU ,MAJENGO YA BIASHARA,MASOKO,STENDI ZA MABASI,MITAA NA OFISI MBALIMBALI KUZOA TAKA NA KUZIPELEKA DAMPO LA SUBIRA NA KUKUSANYA ADA ZA TAKA KATIKA KAYA ZOTE KATA ZA MJINI,MFARANYAKI,MAJENGO KATIKA HALMASHAURI YA MANISPAA YA SONGEA.

MCHANGANUO WA KAZI ACTIVITY (schedule) NA “TECHNICAL SPECIFICATION”

1. MZABUNI ATALAZIMIKA KUSAFISHA BARABARA NA KUONDOA ATAKA KATIKA MITAA,MAGHUBA,MASOKONI,STENDI ZA MABASI ,MIFEREJI YA MAJI YA MVUA ,MAENEO YA WAZI MARA TATU KWA SIKU (ASUBUHI,MCHANA NA USIKU).
2. KUONDOA MCHANGA WOTE KATIKA BARABARA ZA LAMI AMBAZO ZIMO NDANI YA ENEO LAKE LA MKATABA.
3. KUFYEKA KANDO YA BARABARA NA SERVICE ROAD NA KUONDOA TAKA ZOTE
4. KUZUIA UCHAFUZI WA MAZINGIRA UTAKAOFANYWA  KWA KUWAKAMATA WACHAFUZI WA MAZINGIRA NA KUWACHUKULIA HATUA STAIKI IKIWA NI PAMOJA NA KULIPA FAINI NA KUMPELEKA MTUHUMIWA MAHAKAMANI KWA HATUA ZAIDI.
5. UKUSANYAJI WA ADA ZA TAKA KUTOKA KWA KAYA WANAOPEWA HUDUMA.
6. KUONDOA MIZOGA YA WANYAMA WALIOKUFA BARABARANI AU MAENEO YA WAZI.
7. KUSAFISHA BARABARA ZA MITAA.
8. KUFANYA USAFI NA KUKUSANYA TAKA NGUMU KWENYE MAKAZI YA WATU ,MAJENGO YA BIASHARA ,MAGHUBA,MASOKO,STENDI ZA MABASI,/MAGARI MITAA NA OFISI MBALIMBALI NA KUZIPELEKA  DAMPO LA SUBIRA.
9. KUONDOA MARUNDO YA TAKA NA KUSAFISHA BARABARA ZA MITAA NA KUZIPELEKA DAMPO LA SUBIRA.
10. KUKUSANYA ADA ZA UZOAJI TAKA KWENYE ENEO LAKO LA KAZI YA USAFI KWA KUZINGATIA SHERIA NDOGO ILIYOPO KWA USAFI WA MAZINGIRA YA HALAMSHAURI YA MANISPAA YA SONGEA.
11. KUSHIRIKIANA NA WADAU WENGINE WA MAZINGIRA KATIKA KAMPENI ZA USAFI KATIKA ENEO LA  MKATABA WA MANISPAA KWA UJUMLA.
12. KUSHIRIKIANA NA MANISPAA KATIKA KUBORESHA MAZINGIRA NA MANDHARI YA MJI KWA UJUMLA.
13. WAKALA ANAPASWA KUWEKA VIFAA VYA KUKUSANYA TAKA “DUSTBIN” KATIKA KATA ANAYOFANYA KAZI.

SEHEMU YA SITA: AGIZO LA UNUNUZI (ALU).

SEHEMU YA SABA: MASHARTI YA JUMLA YA MKATABA (MJM)

	Tafsiri ya maneno
		“Mkataba” maana yake ni makubaliano yanayofanywa kati ya Mnunuzi na Mtoa Huduma, unaojumuisha maelezo ya mahitaji, mipango, michoro au nyaraka nyingine na masharti yanayoweza kufanyiwa rejea katika Mkataba. Jina la Mkataba limetajwa katika MMM; “Bei ya Mkataba” maana yake ni bei atakayolipwa Mtoa Huduma ndani ya Mkataba kama gharama ya kutekeleza majukumu yake ya kimkataba kikamilifu na kwa usahihi; “Huduma” maana yake ni ile huduma itakayotolewa kulingana na Mkataba;  “Huduma Ambatanishi” maana yake ni zile huduma saidizi zinasaidia uuzaji wa Huduma za Mkataba, kama vile usafirishaji na bima, na huduma nyinginezo ambatanishi, kama vile usimikaji, uanzishaji wa mfumo/mtambo, utoaji wa msaada wa kiufundi, mafunzo, na majukumu mengine ya Mtoa Huduma yanayotajwa kwenye Mkataba; “Mwajiri” maana yake ni Taasisi ya Serikali inayonunua Huduma kama ilivyoainishwa katika MMM.  “Mtoa Huduma” maana yake ni kampuni, shirika, taasisi, ubia au mtu binafsi ambao Zabuni yao imekubaliwa na Taasisi Nunuzi na ambaye kwa mujibu wa Mkataba ni upande muhimu au upande wa Mkataba wa ununuzi na TN na ambaye ametajwa katika MMM .
	Tafisri ya Mashariti na Nyaraka za Mkataba	Katika kutafsiri Masharti haya ya Mkataba, Vichwa vya habari na maelezo ya pembeni yatatumika kwa kadiri inavyofaa na hayatoathiri tafsiri zake isipokuwa pale itakapobainishwa: marejeo ya umoja  itamaanisha pia wingi au kinyume chake na jinsi ya kiume inajumuisha pia jinsi ya kike au kinyume chake. Maneno yaliyotumika katika Mkataba huu yatabeba maana zake za kawaida katika lugha za Mkataba isipokuwa pale yanapotafsiriwa vinginevyo. Nyaraka mbalimbali zinazounda Mkataba; kila waraka  utachukuliwa kama unaelezea mwingine. Lakini panapotokea ukinzani, kipaumbele cha nyaraka kitazingatia mpangilio wa nyaraka hizo kama ifuatavyo: Agizo la Ununuzi (ALU); Barua ya Tuzo ya Zabuni; Muhtasari wa Kikao cha Majadiliano (Kama yalikuwepo) Fomu ya Kuwasilisha Zabuni; Masharti Maalum ya Mkataba kwa ajili ya ALU; Masharti ya Jumla ya Mkataba kwa ajili ya ALU; na (Maelezo ya Vigezo Msawazo vya Kiufundi /michoro/ramani kamavipo] Nyaraka zingine zozote zinazounda sehemu ya mkataba kama zilivyoorodheshwa kwenye MMM
	Maelekezo	Maelekezo yanayotolewa na Mwajiri kwa Mzabuni yatatolewa kwa njia ya maandishi au kwa njia ya kielektroniki na endapo kwa sababu yoyote maelekezo hayo yatatolewa kwa njia ya mdomo, Mtoa Huduma atazingatia maelekezo hayo. Ndani ya kipindi cha siku saba (7), maelekezo hayo ya mdomo yatathibitishwa kwa maandishi au kwa njia ya kielektroniki inayotunza kumbukumbu.
		Majukumu ya Msimamizi wa Huduma
		Bila kuathiri masharti mengine yoyote, Msimamizi wa Huduma atasimamia utekelezaji wa mkataba kati ya Mwajiri na Mtowa Huduma. Msimamizi wa Huduma hana mamlaka kisheria kurekebisha mkataba.
		Mawasiliano Mawasiliano baina ya pande zinazohusika za Mkataba yatakuwa yamekamilika iwapo tu yatakuwa kwa njia ya maandishi kielektroniki inayotunza kumbukumbu ya yaliyomo ndani ya mawasiliano hayo. Notisi itakuwa imekamilika iwapo tu imewasilishwa kwenye anuani iliyoainishwa kwenye MMM.
	Viwango	Huduma zinazotolewa chini ya Mkataba zitakidhi viwango vyote na matakwa yaliyoainishwa katika maelezo ya Mahitaji, mipango, michoro, hadidu za rejea au nyaraka nyingine zinazounda Mkataba.
	Matumizi ya Nyaraka na Taarifa za Mkataba	Mtoa Huduma hatatoa taarifa yoyote kuhusu Mkataba au kifungu chochote cha mkataba, au maelezo ya Mahitaji, mipango, mchoro, mtindo (pattern) kwa mtu yeyote bila ridhaa ya maandishi ya Mwajiri, isipokuwa kwa mwajiriwa wa Mtoa Huduma ambaye anahusika na utekelezaji wa Mkataba husika. Kutolewa kwa taarifa kwa mwajiriwa huyo kutafanywa kwa kuzingatia usiri na kwa kiwango kinachohitajika katika utekelezaji wa mkataba huo; Mtoa Huduma hatatumia nyaraka au taarifa zozote zilizoainishwa katika MJM 4.1, bila ya ridhaa ya maandishi ya Mwajiri, isipokuwa kwa malengo ya kutekeleza mkataba; Nyaraka zote zilizotajwa katika MJM 4.1, isipokuwa Mkataba wenyewe, zitabaki kuwa ni mali ya Mwajiri na nakala zote zitarejeshwa, iwapo itahitajika hivyo na Mwajiri baada ya Mtoa Huduma kukamilisha utekelezaji wa Mkataba.
	Haki Hataza (Patent Rights)	Mtoa Huduma atamlinda Mwajiri dhidi ya madai yote ya upande wa tatu (third party) ya kuingilia hataza, alama ya biashara, au haki ya usanifu inayotokana na utumiaji wa Huduma, matokeo ya huduma, utekelezaji wa kazi au sehemu yoyote ya hayo katika Jamhuri ya Muungano wa Tanzania.
	Dhamana ya Utekelezaji wa Mkataba	Mzabuni mshindi atatakiwa kuwasilisha Dhamana ya Utekelezaji wa Mkataba ndani ya siku kumi na nne (14) za kazi baada ya kupokea barua ya tuzo na kabla ya kusainiwa kwa mkataba. Dhamana ya Utekelezaji wa Mkataba itatumika kumlipa Mwajiri fidia kwa hasara yoyote inayotokana na Mtoa Huduma kushindwa kukamilisha majukumu yake chini ya Mkataba Dhamana ya Utekelezaji wa Mkataba itakuwa kwa fedha ya Tanzania katika aina mojawapo kati hizi zifuatazo: Dhamana ya benki au barua ya mkopo iliyotolewa na benki iliyondani ya Jamhuri ya Muungano wa Tanzania inayokubalika kwa Mnunuzi, katika muundo uliotolewa katika Mwaliko wa Zabuni au muundo mwingine unaokubalika na Mnunuzi; au Fedha taslimu, hundi halali; au Dhamana ya bima; au Aina nyingine ya dhamana itakayokubalika na Mnunuzi ambayo itatajwa kwenye MMM. Dhamana ya Utekelezaji wa Mkataba itaachiliwa na Mwajiri na kurudishwa kwa Mtoa Huduma si zaidi ya siku thelathini (30) baada ya tarehe ya Mtoa Huduma kukamilisha utekelezaji wa majukumu yake chini ya Mkataba, ikijumuisha majukumu yoyote yanayohusu Kipindi cha Matazamio kilichoanishwa kwenye MMM. Endapo Tamko la Utekelezaji wa Mkataba litatumika badala ya Dhamana, Mtoa Huduma atawasilisha Tamko hilo ndani ya siku kumi na nne (14) za kazi baada ya tarehe ya kutolewa wa tuzo. Endapo Mtoa Huduma atashidwa kutekeleza matakwa ya mkataba, Mwajiri atatoa taarifa kwa Mamlaka akiwasilisha maombi ya Mtoa Huduma Kuchukuliwa Hatua kwa mujibu wa Tamko hilo
	Ukaguzi na Majaribio	Mwajiri au mwakilishi wake atakuwa na haki ya kukagua na/au kufanya majaribio ya Huduma ili kuthibitisha kama zinaendana na Mkataba pasipokuwa na gharama za ziada kwa Mwajiri.  Mkataba utaainisha ukaguzi na majaribio yoyote ambayo Mwajiri atahitaji yafanyike na kuainisha mahali vitakapofanyika. Mwajiri atamtaarifu Mtoa Huduma juu ya utambulisho wa wawakilishi waliochaguliwa kwa ajili ya ukaguzi na majaribio hayo kwa njia ya maandishi au kielektroniki ambayo inatunza kumbukumbu ya mawasiliano; Ikitokea Huduma yoyote iliyokaguliwa au kufanyiwa majiribio inashindwa kuzingatia Maelezo ya Mahitaji, Mwajirii anaweza kukataa Huduma na Mtoa Huduma atapaswa kutumia njia mbadala au atafanya mabadiliko muhimu ili kufikia matakwa ya Maelezo ya Mahitaji bila gharama yoyote kwa Mwajiri; Hakuna kipengele chochote katika MJM 7 kinachoweza kumruhusu/kumwachilia Mtoa Huduma kutowajibika katika Kipindi cha Matazamio ya Marekebisho au kipindi anatekeleza majukumu mengine chini ya Mkataba huu.
	Uwasilishaji Huduma na Nyaraka	Uwasilishaji wa Huduma utafanywa na Mtoa Huduma kwa mujibu wa masharti yaliyoainishwa katika Maelezo ya Mahitaji na Bei. Maelezo ya kina ya bei na/au nyaraka nyingine zitakazo wasilishwa na Mtoa Huduma zimebainishwa katika MMM; Nyaraka zinazopaswa kuwasilishwa na Mtoa Huduma zimeainishwa katika MMM na itajumuisha vyeti/hati zinazotolewa na Mwajirii kukubali Huduma zilizotolewa na Mtoa Huduma.
	Bima	Huduma zinazotolewa, vifaa vinavyotumika, wafanyakazi na vibarua katika Mkataba huu vitakatiwa bima na Mtoa Huduma dhidi ya upotevu, wizi na uharibifu, unaombatana na utoaji huduma kwa namna iliyoainishwa katika MMM.
	Huduma Ambatanishi	Mtoa Huduma anaweza kuhitajika kutoa huduma za ziadi kama zilivyoainishwa ndani ya MMM au Mkataba; Bei ya huduma ambatanishi iliyojazwa kwenye Zabuni au iliyokubaliwa na pande zote mbili (Mwajiri na Mtoa Huduma) itajumuishwa katika Bei ya Mkataba.
	Malipo	Taratibu na masharti ya malipo yatakayofanywa kwa Mtoa Huduma ni kama yalivyoainishwa kwenye MMM: Mtoa Huduma ataomba kulipwa na Mwajiri kwa njia ya    maandishi au kwa njia ya kielektroniki ambayo inatunza kumbukumbu ya mawasiliano, yakiambatana na Hati ya Madai iikionesha Huduma zilizowasilishwa, Kazi iliyokamilika au huduma zilizofanywa, na nyaraka zitawasilishwa kwa mujibu wa MJM 8, na baada ya kutimiza masharti mengine yaliyoainishwa katika Mkataba; Mwajiri atafanya malipo kwa wakati na kwa ukamilifu kwa idadi ya siku zisizozidi nazilizoainishwa katika MMM baada ya Mtoa Huduma kuwasilisha Hati ya Madai; Malipo yatafanywa kwa Shilingi ya Kitanzania.
	Bei ya Huduma	Bei zitakazotozwa na Mtoa Huduma kwa Huduma zilizowasilishwa kwenye Mkataba hazitatofautiana na bei zilizowasilishwa na Mtoa Huduma katika Zabuni yake na kukubalika na Mwajiri, isipokuwa pale ambapo marekebisho yoyote ya bei yamefanyika kwa kufuata utaratibu, masharti na vigezo vilivyoidhinishwa kwenye MMM.
	Agizo la Kubadilisha Mawanda	Kwa mujibu wa MJM 31 Mwajiri anaweza wakati wowote, kwa agizo la maandishi kwa Mtoa Huduma kufanya mabadiliko ndani ya mawanda ya jumla ya Mkataba katika moja au zaidi ya moja ya mambo yafuatayo:- Huduma itakayotolewa chini ya Mkataba ambayo itaandaliwa au kutolewa maalumu kwa ajili ya Mwajiri Huduma ambatanishi zinazopaswa kutolewa    na Mtoa Huduma. Iwapo mabadiliko hayo yanasababisha kuongezeka au kupungua kwa gharama, au muda uliohitajika, au utekelezaji wa Mtoa Huduma wa kipengele chochote cha Mkataba, marekebisho ya haki (equitable adjustments) yatafanywa katika Bei ya Mkataba au utaratibu wa uwasilishaji au vyote viwili na Mkataba utarekebishwa ipasavyo. Madai yoyote ya Mtoa Huduma kwa ajili ya marekebisho chini ya MJM hii yatafanywa ndani ya siku thelathini (30) kuanzia tarehe ambayo Mtoa Huduma alipopokea agizo la mabadiliko.
	Marekebisho ya Mkataba	Kwa kuzingatia MJM 13 hakutakuwa na mabadiliko (variation) au marekebisho (modification) ya masharti ya Mkataba yanayoweza kufanywa isipokuwa kwa marekebisho yaliyosainiwa na pande zote za Mkataba.
	Uhawilishaji (Assignment)	Mtoa Huduma hatohamisha jukumu lake la kimkataba iwe lote au sehemu ya majukumu yake kwa Mtoa Huduma mwingine, kabla ya kupata idhini ya maandishi ya Mwajiri.
	Mikataba midogo (Sub-contracts)	Mtoa Huduma atamtaarifu Mwajiri kwa maandishi au kwa njia ya kielektroniki inayotunza kumbukumbu ya mawasiliano yaliyofanyika juu ya Mikataba Midogo iliyopewa tuzo chini ya Mkataba huu iwapo haikuelezwa katika Zabuni. Taarifa hiyo katika Zabuni ya awali au baadaye haitamuondolea Mtoa Huduma jukumu au wajibu wake wowote chini ya Mkataba. Mikataba Midogo yote lazima izingatie matakwa ya MJM 2. Bila kuathiri MJM 16.1, pale ambapo kuna haja ya kuingia mikataba midogo Mtoa Huduma atatoa kipaumbele kwa Makundi Maalum yaliyosajiliwa na yaliyopo kwenye eneo husika, yenye uwezo wa kutoa huduma hiyo. “Makundi Maalum” maana yake ni Makundi yaliyoainishwa kwenye sheria ya Ununuzi wa Umma, Sura 410.
	Ucheleweshaji wa Mtoa Huduma katika Kutekeleza Mkataba	Uwasilishaji wa Huduma utafanywa na Mtoa Huduma kwa mujibu wa muda ulioainishwa katika MMM; Katika utekelezaji wa Mkataba, iwapo au Mtoa Huduma wa Mkataba Mdogo wanakutana na hali inayozuia uwasilishaji wa Huduma au Huduma kwa muda mwafaka, Mtoa Huduma atamwarifu Mwajiri mara moja, kwa maandishi au kwa njia ya kielektoniki inayoweka kutunza kumbukumbu ya mawasiliano yaliyofanyika, juu ya halihalisi ya kuchelewa huko, muda unaokadiriwa kuchelewa na sababu zake. Mara tu baada ya kupata taarifa ya Mtoa Huduma, Mwajiri atatathmini hali hiyo na kwa utashi wake (its discretion) anaweza kumuongezea Mtoa Huduma muda wa utekelezaji, ikiwa na fidia ya hasara ya ucheleweshaji kazi au bila fidia, ambapo nyongeza hiyo itaridhiwa na pande zote kwa kufanya marekebisho ya Mkataba; Isipokuwa kama ilivyoelekezwa kwenye MJM 20, ucheleweshaji unaofanywa na Mtoa Huduma katika kutekeleza majukumu yake ya kimkataba utasababisha Mtoa Huduma kuwajibishwa kulipa fidia ya hasara ya ucheleweshaji kazi kwa mujibu wa MJM 18, isipokuwa pale ambapo muda wa nyongeza umekubaliwa kwa mujibu wa MJM 17.2 bila kukata fidia ya Hasara ya ucheleweshaji kazi.
Matangazo TANGAZO LA LESENI ZA BIASHARA January 22, 2025 TANGAZO la usafi wa mazingira Jumamosi ya mwisho wa mwezi Septemba 2024 February 27, 2025 Tazama zote Habari Mpya TAKUKURU Mkoa wa Ruvuma Yafanikiwa Kurejesha Mil. 9.2, na Kudhibiti Mianya ya Rushwa. May 30, 2025 TAKUKURU Ruvuma Yawezesha kupatikana fedha za makusanyo Songea Dc May 30, 2025 ALAT Ruvuma na Baraza la Madiwani la Chalinze Watembelea Manispaa ya Iringa Kujifunza Ukusanyaji wa Mapato. May 29, 2025 ISMAIL ALI MKIMBIZA MWENGE KITAIFA ARIDHISHWA NA UTEKELEZAJI WA MIRADI May 15, 2025 Tazama zote Video ALAT RUVUMA ZIARANI IRINGA TC Video Zaidi Viungio vya Haraka Ruvuma Region Website Songea diistrict websites Madaba District Council Website Tunduru District Website Namtumbo District Website Nyasa District Website Mbinga Town Council Website Mbinga District Council Website Songea Municipal face book Tovuti Mashuhuri Wizara ya Fedha TAMISEMI Wakala wa Serikali Mtandao Utumishi National Bureau of Statistics Baraza la Mitihani Tanzania Idadi ya Wasomaji Duniani Idadi ya Wasomaji free HitCounter Ramani ya Mahali Wasiliana nasi SONGEA MUNICIPAL COUNCIL Anuani ya Posta: P O BOX 14, SONGEA Simu ya Mezani: 025 2602970 Simu ya Kiganjani: Barua Pepe: info@songeamc.go.tz Mawasiliano mengine     Sera ya Falagha Kanusho Maswali ya mara kwa mara Ramani ya Mahali Huduma Hakimiliki ©2017 Halmashauri ya Manispaa ya Songea. Haki zote zimehifadhiwa