TANGAZO TANGAZO TANGAZO

Tarehe ya kuwekwa: June 16th, 2020

TUME YA TAIFA YA UCHAGUZI

 UWEKAJI WAZI DAFTARI LA AWALI LA KUDUMU LA WAPIGA KURA 

AFISA MWANDIKISHAJI JIMBO LA SONGEA MJINI ANAWATANGAZIA WANANCHI WOTE WA HALMASHAURI YA MANISPAA SONGEA KUWA, ITAWEKA WAZI DAFTARI LA AWALI LA WAPIGA KURA KWA SIKU NNE KUANZIA TAREHE 17 HADI 20 JUNI MWAKA 2020.

UWEKAJI WA DAFTARI UTAFANYIKA KWENYE VITUO VYOTE VILIVYOTUMIKA KWENYE UBORESHAJI WA DAFTARI LA KUDUMU LA WAPIGA KURA NA UTAZINGATIA TAHADHARI ZOTE ZA KIAFYA KUHUSU KUZUIA MAAMBUKIZI YA UGONJWA WA COVID- 19 UNAOSABABISHWA NA VIRUSI VYA CORONA.

UWEKAJI WAZI UTAWAHUSISHA WAPIGA KURA WALIOJIANDIKISHA KWENYE DAFTARI LA KUDUMU LA WAPIGA KURA MWAKA 2015 NA WALE WALIOJIANDIKISHA WAKATI WA UBORESHAJI WA DAFTARI LA KUDUMU LA WAPIGA KURA AWAMU YA KWANZA MWEZI JANUARI, 2020 NA MWEZI MEI 2020 LAKINI HAWAKUHAKIKI TAARIFA ZAO WAKATI WA UWEKAJI WAZI DAFTARI LA AWALI LA WAPIGA KURA.

MPIGA KURA ANAWEZA KUHAKIKI TAARIFA ZA MPIGA KURA:-

MPIGA KURA ATAFIKA KITUO ALICHOJIANDIKISHA NA KUHAKIKI TAARIFA ZAKE KWENYE ORODHA ITAKAYOBANDIKWA KATIKA KITUO HICHO.

KUPITIA SIMU YA KIGANJANI KWA KUPIGA NAMBA *152*00# NA KUFUATA MAELEKEZO.

MPIGA KURA ATAPIGA SIMU NAMBA 0800112100 NA KUFUATA MAELEKEZO YATAYOMUUNGANISHA NA MTOA HUDUMA.AU KUPITIA TOVUTI YA TUME www.nec.go.tz NA KUBOFYA SEHEMU ILIYOANDIKWA UHAKIKI.

MAMBO YA KUZINGATIA WAKATI WA UHAKIKI

IWAPO MPIGA KURA AMEHAKIKI TAARIFA NA KUTAKA KUFANYA MAREKEBISHO, ATATAKIWA KWENDA SHULE YA MSINGI MFARANYAKI ILIYOPO KARIBU NA MSIKITI WA WILAYA SONGEA MJINI KUREKEBISHA TAARIFA ZAKE.

MPIGA KURA ANAYETAKA KUMUWEKEA PINGAMIZI MPIGA KURA ASIYE NA SIFA, ATAKWENDA KWENYE KITUO CHA SHULE YA MSINGI MFARANYAKI.

WAPIGA KURA WANATAKIWA KUTOA TAARIFA ZA NDUGU WALIOFARIKI ILI WAONDOLEWE KWENYE DAFTARI LA KUDUMU LA WAPIGA KURA.

IWAPO MPIGA KURA ATAHAKIKI TAARIFA ZAKE NA KUBAINI KUWA PICHA YAKE HAIPO, ATATAKIWA KWENDA KWENYE KITUO CHA SHULE YA MSINGI MFARANYAKI ILI APIGWE PICHA NYINGINE.

UWEKAJI WAZI WA DAFTARI LA AWALI LA WAPIGA KURA HAUTAHUSIKA KUANDIKISHA WAPIGA KURA WAPYA AU KUHAMISHA TAARIFA ZA WAPIGA KURA WALIOHAMA KATA AU JIMBO.

EWE MWANANCHI

KUMBUKA KUZINGATIA KANUNI ZA AFYA KWA KUFUATA MAELEKEZO UTAKAYOPEWA KITUONI ILI KUJIEPUSHA NA MAAMBUKIZI YA VIRUSI VYA CORONA.

TANGAZO HILI LIMETOLEWA NA ;

AFISA MWANDIKISHAJI

JIMBO LA SONGEA MJINI