TBA kukabidhi mabweni matatu ya wasioona Luhira

Tarehe ya kuwekwa: March 8th, 2018

 MKUU wa mkoa wa Ruvuma Christina Mndeme amefanya ziara ya kukagua mabweni matatu kwa ajili ya ya wanafunzi wasioona katika shule ya msingi Luhira iliyopo Manispaa ya Songea mkoani Ruvuma.

Mkandarasi wa mradi huo ni Wakala wa Majengo Tanzania (TBA) ambapo mradi unahusisha ujenzi wa mabweni matatu,vyoo vya ndani ya mabweni vya matundu 18,ukarabati na kuezeka madarasa mawili.Mwakilishi wa TBA amemhakikishia Mkuu wa mkoa kuwa wanatarajia kukabidhi mabweni hayo yakiwa yamekamilika Machi 22 mwaka huu.

Halmashauri ya Manispaa ya Songea ilipokea zaidi ya shilingi milioni 151 toka TAMISEMI kwa ajili ya ujenzi na ukarabati shule ya Luhira .Mradi huo ulioanza Aprili 2017 ulitarajiwa kukamilika Oktoba 2017.

Taarifa Imetolewa na Albano Midelo

Afisa Habari Manispaa ya Songea