UBORESHAJI WA DAFTARI LA KUDUMU LA WAPIGA KURA AWAMU YA PILI.

Tarehe ya kuwekwa: April 30th, 2020

TUME YA TAIFA YA UCHAGUZI

UBORESHAJI WA DAFTARI LA KUDUMU LA WAPIGA KURA AWAMU YA PILI

AFISA MWANDIKISHAJI JIMBO LA SONGEA MJINI ANAWATANGAZIA WANANCHI WOTE WA HALMASHAURI YA MANISPAA SONGEA KUWA, UBORESHAJI WA DAFTARI LA KUDUMU LA WAPIGA KURA AWAMU YA PILI UTAFANYIKA KWA SIKU TATU KUANZIA TAREHE 02 HADI TAREHE 04 MEI, 2020. UBORESHAJI HUU UTAFANYIKA KATIKA KITUO KILICHOPANGWA KWENYE KILA KATA KATIKA HALMASHAURI (OFISI ZA KATA), VITUO VITAFUNGULIWA SAA 2.00 ASUBUHI NA KUFUNGWA SAA 12.00 JIONI.

UBORESHAJI AWAMU YA PILI UTAFANYIKA KWA KUZINGATIA TAHADHARI ZOTE ZA AFYA KUHUSU KUZUIA MAAMBUKIZI YA UGONJWA WA COVID- 19 UNAOSABABISHWA NA VINAVYOSABABISHWA NA VIRUSI VYA CORONA. UBORESHAJI HUTAHUSISHA:-

• KUANDIKISHA WAPIGA KURA WAPYA WALIOTIMIZA UMRI WA MIAKA 18 NA ZAIDI NA WALE WATAKAOTIMIZA UMRI HUO IFIKAPO SIKU YA UCHAGUZI MKUU WA MWAKA 2020.
• KUANDIKISHA WALE WOTE AMBAO WANA SIFA LAKINI HAWAKUJIANDIKISHA KATIKA UBORESHAJI WA AWAMU YA KWANZA.
• KUTOA KADI MPYA KWA WAPIGA KURA WALIOPOTEZA KADI ZAO.
• KUTOA KADI MPYA KWA WAPIGA KURA AMBAO KADI ZAO ZIMEHARIBIKA.
• KUHAMISHA TAARIFA ZA WAPIGA KURA WALIOHAMA KATA AU MAJIMBO NA KWENDA KATIKA MAENEO MENGINE UA KIUCHAGUZI.
• KUREKEBISHA TAARIFA ZA WAPIGA KURA AMBAZO ZILIKOSEWA.
• KUONDOA WAPIGA KURA WALIOPOTEZA SIFA KAMA VILE WALIOFARIKI DUNIA. 

UTARATIBU WA UBORESHAJI WA DAFTARI LA KUDUMU LA WAPIGA KURA

• KATIKA KILA KITUO CHA OFISI YA KATA KUTAKUWA NA MWANDISHI MSAIDIZI NA BVR KIT OPERATOR AMBAO WATAKUWA NA ORODHA YA VITUO VYOTE KATIKA KATA.
• MWANANCHI ATAWEZA KUANDIKISHWA KULINGANA NA KITUO ATAKACHOPIGIA KURA SIKU YA UCHAGUZI MKUU NDANI YA KATA HUSIKA.
• MPIGA KURA YEYOTE ANAWEZA KUBORESHA TAARIFA ZAKE KWA KUZINGATIA KITUO ANACHOTAKA KUPIGIA KURA SIKU YA UCHAGUZI MKUU.

MUHIMU: KUMBUKA KUZINGATIA KANUNI ZA AFYA KWA KUFUATA MAELEKEZO UTAKAYOPEWA KITUONI ILI KUJIEPUSHA NA MAAMBUKIZI YA VIRUSI VYA CORONA.

KUMBUKA

SIFA MUHIMU YA KUKUWEZESHA KUPIGA KURA SIKU YA UCHAGUZI MKUU NI KUWA NA KADI YA MPIGA KURA

TANGAZO LIMETOLEWA NA

                                                     AFISA MWANDIKISHAJI

JIMBO LA SONGEA MJINI