UFAHAMU MFUMO WA KIELETRONIKI WA KURATIBU MADAI/MADENI (MadeniMIS) KWA WATUMISHI WA UMMA.

Tarehe ya kuwekwa: September 9th, 2020

Ofisi ya Rais – TAMISEMI   imetoa mafunzo ya  Mfumo wa uratibu wa madai na madeni ya Watumishi – MADENIMIS kwa wataalamu wa  Manispaa ya Songea kwa lengo la kuwawezesha  kupata uelewa wamatumizi ya  Mfumo wa kuratibu madeni au madai kwa watumishi wa umma.

Mwezeshaji wa kitaifa  Zezema Shilungushela alisema Mafunzo haya yametolewa kwa   kwa wataalamu mbalimbali  wakiwemo na  Maafisa Elimu Msingi na Sekondari, Mweka hazina, Afisa takwimu Msingi na Sekondari, Afisa Utumishi, pamoja na  Afisa TEHAMA,  ambayo yalifanyika katika ukumbi wa Halmashauri ya Manispaa ya Songea 03-04/09/2020.

Alisema “Lengo la Mfumo huu ni kumwezesha mtumishi Kuanzisha dai lake kuona hatua zote za dai hilo linavyofanyiwa kazi katika ngazi mbalimbali pamoja na mambo mengine, Mfumo huu utasaidia Serikali kuwa na takwimu sahihi za Watumishi wenye madai/madeni na kiasi cha madai/madeni kinachodaiwa na Watumishi hao.”

Alibainisha kuwa Mfumo huu unajulikana kwa jina la MadeniMIS ambao unaratibu madai na madeni yote ya watumishi yasiyo ya mishahara (Non-Salary debits),  na kwasasa mfumo huu unafanya kazi kwa Watumishi wa kada ya Ualimu katika Sekta ya msingi na sekondari.

 Aliongeza kuwa hapo awali madai/madeni yalikuwa yanahakikiwa kwa njia ya  kawaida na sasa yataratibiwa kwa kutumia Mfumo wa kieletronik.

Hata hivyo baada ya mafunzo hayo kutolewa,  kuanzia  leo 9-10/09/2020 Wataalamu   hao wanaendelea na ufundishaji kwa  waratibu Elimu kata, wakuu wa shule Msingi na Sekondari kwa lengo la kuwawezesha kufahamu jinsi ya kuutumia mfumo  wa kuratibu MadeniMIS ndani ya Manispaa ya Songea.  

IMETAYARISHWA NA;

AMINA PILLY; 

 AFISA HABARI MANISPAA YA SONGEA.