UTEKELEZAJI WA ZOEZI LA UGAWAJI WA DAWA ZA KICHOCHO KWA WANAFUNZI MANISPAA YA SONGEA.

Tarehe ya kuwekwa: September 18th, 2020

Ni katika ufuatiliaji wa utekelezaji wa  zoezi la ugawaji wa dawa za minyoo ya tumbo na minyoo ya kichocho kwa wanafunzi wenye umri wa miaka  5-14 kwa Shule za Msingi  Manispaa ya Songea, ambalo limeanza leo 18.09.2020 na linatarajia kukamilika tarehe  21.09.2020 ambapo linatekelezwa chini ya usimamizi wa walimu kwa kila shule husika.

Afisa wa Mpango wa Taifa wa kudhibiti magonjwa yaliyokuwa hayapewi kipaumbele Frank Komakoma akiwa katika ziara ya kuzitembelea   shule zilizopo Manispaa ya Songea kwa ajili ya kuangalia mwenendo mzima wa zoezi la ugawaji dawa za minyoo ya kichocho na minyoo ya tumbo kwa wanafunzi wa Shule za Msingi 91 alisema kuwa  ameridhika na maandalizi ya watoto shuleni   kwani kila shule imewandaa  watoto vizuri kwa kuwa elimisha umuhimu wa kumeza dawa za minyoo ya tumbo na kichocho.

Komakoma aliongeza kuwa utekelezaji wa zoezi hilo unaendelea  vizuri kwani kila shule imeandaa mazingira safi ya kugawia dawa na  pia walimu wamehakikisha  kila mtoto ana pata chakula cha kutosha kabla ya kunywa dawa hizo.

Aliwasisitiza Walimu hao kuendelea kuwa karibu na  wanafunzi hao  pamoja na kuwapatia elimu  ya kuwaondoa hofu baada ya kunywa dawa  hizo.

Kumbuka dawa hizo zimetolewa bure kwa wanafunzi  bila malipo.

IMETAYARISHWA NA; 

AMINA PILLY;

AFISA HABARI MANISPAA YA SONGEA.

18.09.2020