WAFUGAJI samaki 40 Songea wapata mafunzo ya kutengeneza chakula cha samaki

Tarehe ya kuwekwa: February 7th, 2020

TAASISI ya Utafiti wa  Uvuvi Tanzania ( TAFIRI)  imetoa mafunzo  ya  utengenezaji wa chakula cha samaki kwa wafugaji 40 kutoka katika wilaya ya Songea mkoani Ruvuma.

Mafunzo hayo yametolewa na Mtafiti Dr.Groria Yona kutoka TAFIRI Makao makuu jijini Dar es salaam  pamoja na mambo mengine amesema mafunzo hayo yanaendelea kutolewa kwa muda wa siku mbili kuanzia 06/02/-07/02/2020 katika  Ukumbi wa Songea Club kwa wafugaji wa Samaki  Manispaa ya Songea.

Amelitaja Lengo kuu la kutolewa mafunzo hayo ni kuwajengea uwezo Wafugaji wa Samaki namna ya kutengeneza malighafi za chakula cha Samaki ili waweze kupata Samaki  wenye uzito stahiki kwa muda muafaka na kupata Samaki wenye thamani katika  soko la Samaki.

“Mafunzo haya yanatolewa na TAFIRI  katika mikoa saba(7) hapa nchini ambayo ni Ruvuma,Njombe,Geita,Dar es salaam,Morogoro,Pwani na Mwanza”,alisema       Dr.Yona.

IMEANDALIWA NA;

AMINA PILLY

KAIMU AFISA HABARI MANISPAA YA SONGEA.