Wakili. Muhoja Amewataka Watumishi Kuweka Mpango Mkakati Bora wa Maendeleo (SP).

Tarehe ya kuwekwa: November 25th, 2025

Mkurugenzi wa Manispaa ya Songea, Wakili Bashir Muhoja, ametoa wito kwa watumishi wa Halmashauri kuzingatia mafunzo na maelekezo yanayotolewa kuhusu maandalizi ya Mpango Mkakati (SP), ambao ni nyenzo muhimu katika kupanga mwelekeo wa maendeleo ya miaka mitano ijayo.

Akizungumza katika kikao kazi cha maandalizi ya mipango na bajeti, Muhoja amesisitiza kuwa mpango mkakati ni dira na ramani ya maendeleo ya Manispaa, ikitoa mwongozo wa matumizi sahihi ya rasilimali ili kufikia malengo ya muda mrefu kwa ufanisi na uwajibikaji.

Mambo Mahususi Aliyosisitiza

• Kuimarisha dira na mwelekeo wa maendeleo ya Manispaa ya Songea.
• Kuweka vipaumbele vinavyotokana na mahitaji halisi ya jamii.
• Kuongeza ufanisi katika matumizi ya rasilimali fedha, watu na muda.
• Kurahisisha ufuatiliaji na tathmini (M&E).
• Kuimarisha ushirikiano, uwazi, na kuimarisha uhusiano na wadau.
• Kusaidia upatikanaji wa rasilimali kutoka Serikali Kuu na wafadhili.
• Kuepusha migongano ya mipango na kurudufu kazi.
• Kuweka utulivu katika utekelezaji wa mipango.

Muhoja ameeleza kuwa bila mpango mkakati, bajeti huwa ya kubahatisha na mipango hukosa mwelekeo wa muda mrefu.

Mafunzo haya ya siku 3 (26–27 Novemba 2025) yanawahusisha wakuu wa idara, vitengo na watumishi wao, wakiwa wanajiandaa kutengeneza mpango mkakati wenye tija kwa Manispaa.

MWISHO.

Amina Pilly

Kitengo Cha Mawasiliano Serikalini