Washiriki 1,542 Wapata Mafunzo ya Usmamizi wa Vituo na Wasimamizi Wasaidizi wa Vituo.

Tarehe ya kuwekwa: October 26th, 2025

Jimbo la Songea lina vituo vya kupigia kura 500 na jumla ya wasimamizi wa vituo na wasimamizi wasaidizi  1,542 wamepata mafunzo ya kusimamia vituo vya uchaguzi ambayo yameanza kutolewa leo tarehe 26 hadi 27 oktoba 2025 kuelekea siku ya uchaguzi. 

Akizungumza Msimamizi wa uchaguzi jimbo la Songea Mjini Alto Liwolelu amesema " uchaguzi ni mchakato unaojumuisha hatua na taratibu za kikatiba na sheria ambazo hupaswa kufuatwa na kuzingatiwa katika ngazi ya vituo ambapo mchakato na matokeo ya uchaguzi kwa kila kiti cha  Rais, Ubunge na udiwani ndio yanapoanzia. Amewataka wasimamizi kufuata taratibu zote zilizowekwa ili uchaguzi uwe huru na haki.

Mafunzo hayo yametolewa katika kumbi mbalimbali katika Jimbo la Somgea mjini.

Mwisho.

Kitengo cha mawasiliano Serikalini