WATENDAJI 116 katika Manispaa ya Songea wapewa mafunzo ya usimamizi wa fedha

Tarehe ya kuwekwa: June 24th, 2019

WATENDAJI 116 kutoka katika  Halmashauri za Manispaa ya Songea mkoani Ruvuma wamepewa mafunzo ya utunzaji wa kumbukumbu za fedha na usimamizi wa fedha za serikali za mitaa.Mafunzo hayo ambayo yamefanyika kwenye ukumbi wa Manispaa ya Songea,yamewashirikisha watendaji wa Mtaa 95,watendaji wa Kata 21 na wataalam wa Manispaa.

Mgeni rasmi katika mafunzo hayo alikuwa ni Mstahiki Meya wa Manispaa ya Songea Alhaj Abdul Hassan Mshaweji ambaye alisisitiza watendaji wa mitaa kuibua vyanzo vipya katika mitaa na kata zao ili kusaidia kuongeza mapato ya Halmashauri ambayo hivi sasa yamefikia asilimia 85.Mada zilizofundishwa ni taratibu za usimamizi wa fedha,uandaaji wa malipo,utunzajii wa kumbukumbu za fedha na taratibu za manunuzi.