WATUMISHI waomba kituo cha Afya Mjimwema kuongezewa vifaa na majengo

Tarehe ya kuwekwa: August 10th, 2019

WAFANYAKAZI wa Kituo cha Afya Kata ya Mjimwema  Halmashauri ya Manispaa ya Songea, Mkoani Ruvuma wameiomba serikali kuongeza vifaa na majengo ya  wajawazito katika kliniki za watoto ili kukabiliana na idadi kubwa ya wagonjwa wanaofika kupata huduma ya afya kwenye kituo hicho.

Muuguzi  wa Kitengo cha Wodi ya Wajawazito katika kituo hicho,Ansela Agnery amezitaja changamoto ambazo wanakumbana nazo  kuwa ni upungufu wa vitanda hali inayosababisha baadhi ya wagonjwa kulala wawili wawili katika kitanda kimoja.

 “Serikali naiomba iongeze jengo na vitanda kwa wajawazito ili kuepusha maambukizi yanayoambukizwa kwa njia ya hewa”.amesema Agnery.

Naye,Mtaalam wa  chanjo za watoto  katika Kituo hicho,Beatrice Ngwata amezitaja changamoto za vifaa katika kitengo chake kuwa ni pamoja na upungufu wa mabenchi ya kukaa wazazi wanao waleta watoto kupata chanjo.

Licha ya changamoto hizo,Ngwata amesema kitengo chake kimepata mafanikio makubwa ikiwemo  kupunguza hali ya kijivu kwa asilimia chini ya 50 na kuongeza hali ya kijani kwa asilimia 80.

 Maria Njelekela mgonjwa aliyefika katika kituo hicho cha Afya kupata huduma amewapongeza watumishi hao wa afya kutoa  nzuri ambapo ameiomba serika kuboresha kituo hicho kwa kuongeza majengo ili kutoa huduma bora zaidi.

Sophia Maganza Mkazi wa Mjimwema amewapongeza  wahudumu wa afya  katika kituo hicho kwa kuanza  kutoa elimu ya afya  kabla ya kutoa chanjo hali ambayo inawajengea uwezo wagonjwa wanaofika kupata huduma ya afya.   

Kituo cha Afya Mjimwema kilianzishwa Aprili 8,2002,Kituo hicho kina majengo nane yakiwemo Jengo la wagonjwa wa nje,Wodi ya Watoto na Wanawake,Wodi ya Wazazi na huduma za kujifungua, jengo la kutolea huduma za afya ya uzazi na mtoto na wodi ya Wanaume, jengo la Utawala, jengo la kuhifadhia maiti, nyumba mbili za watumishi na jengo la upasuaji.

 Imeadaliwa na

Severine Fussi

Wa kitengo cha TEHAMA Manispaa ya Songea

Agosti 9,2019